Priljubljene svetopisemske vrstice iz Xota̱ Roma̱ 14

Deli

Ngatꞌa̱ nínga botixómá Néná jmí tsi nichiniee̱ ko̱jo tsi ni ꞌyoó xi ꞌniú chjínií, kjo̱a̱kixi̱i̱, ko̱jo kjo̱a̱xioó, ko̱jo kjo̱a̱tsjaa̱ A̱si̱énni̱xtjii̱n Néná xí chjínií. Ngatꞌa̱ Néná tsjá kjimaa̱ kjo̱a̱a̱ xota̱ xi ndyi̱tsꞌèn xaá Kristoo̱, kó ngayeje xota̱ xi ngasee̱ ndyi̱tsꞌènjóꞌo.

Tsi tindyión nga̱sondie ko̱jo tsi kjimaya, ta̱ngatꞌanií Ndi̱a̱ná, kuíni nga tsi tindyión nga̱sondie ko̱jo tsi kjimaya, Ndi̱a̱ná ndokjo̱a̱ ñá.

Kó kuíni nga ki̱a̱ kjuíntjíngíi̱ ni xi tsja̱aná kjo̱a̱xió, ko̱jo ni xi ja̱kꞌi̱e̱ ja̱ngaján tsja̱ngaꞌniúná nga tjitjóninkꞌaná yojoná ngindyi̱ko̱n Néná.

Kó kuíni nga ngiti̱ ko̱ndókjo̱a̱taꞌinján ñá xingi̱ tsi nda ko̱jo tsi ndajín ndyi̱tsꞌèn, ta̱sá si̱ꞌankjó cha̱n cha̱n tsi̱ꞌe̱ nga ta̱xkiya si̱ꞌán jàn ngo ni xi sa̱ꞌín nga ngo ntsꞌie xi ngiti̱ ka̱maꞌniátakónjín Néná.

ngatꞌa̱ jè kjitꞌa xo̱jo̱n eén Néná nínga bi̱ tsoó: Ja̱koxi̱ boá nga an xi tikòn an, tsó Ndi̱a̱ná, kó ngindyikón an, ngayeje xotaa̱ ko̱siéntikoó, kó ngayeje xota̱ sa̱ꞌínkie yojoo̱ nga ku̱i̱chji̱a̱ nga án boá xi Ndi̱a̱a̱. Ja̱ kuíni nga, nga ngo nga ngo ñá si̱ꞌankꞌasꞌiée̱n xki̱ Néná kjo̱a̱a̱ ni xi kiniꞌán.

Kó ti̱ꞌanjo̱ꞌojnú kui xota̱ xi kji̱e̱ tajájín síndojin nii̱ Néná, ta̱nga ngata̱ ndokjo̱a̱tijo̱jínjnú kjo̱a̱a̱ xikótsꞌèn bee̱ko̱n.

Kó ꞌyání jí nga titsitsijinkóo̱n tsi nda ko̱jo tsi ndajín ndyi̱tsꞌèn mosoo̱ kje̱ꞌe xota̱. Tsi tajá tikón ko̱jo tsi kꞌo̱ka nga tjítsꞌén xaá kui mosoo̱, ndi̱a̱a̱ xí be tsi nda ko̱jo tsi ndajín katsꞌén, ta̱nga tajá kꞌuijñá kui mosoo̱, ngatꞌa̱ Ndi̱a̱ná tjínrií ngaꞌniú nga ka̱maa̱ ko̱síko̱jo.