Priljubljene svetopisemske vrstice iz Ni xi akakoo̱ 13

Deli

Kꞌi̱e̱ tikón kui kjo̱a̱kjínkoón. Xi tjiín kjo̱a̱kjíntakón ngatamakjiín xki̱i̱ kui cho̱ chꞌokjiꞌii̱, kui xi xki̱i̱ xota̱ boá. Kui xki̱i̱ kuí boá xi jun úchán ichítié ko̱jo tjiꞌún ngoo̱.

Kó kui cho̱ chꞌokjiꞌii̱ xi sa̱ꞌíndikón ngayeje xotaa̱ kui nga̱sondiee̱ xi kjitꞌajín jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin xi tsi̱ꞌe̱ cho̱tsa̱nga̱ xi kiniꞌánkꞌieén, xi je kjitꞌa ndeskande nga ítsꞌi̱yanii̱ nga kamánda nga̱sondiee̱.

Kó kuí boá xi katsꞌén nga si̱tꞌaa̱ ngo chi̱bo̱a̱ tsja kixi̱ ko̱jo tsi xtjien ngayeje xota̱ xi xchá xí kjindí, xi cho̱n ko̱jo xi ni̱ma̱, xi tjimándé ko̱jo xi moso̱ xi kastiñá, kó nde ngojín xi kamaá tsꞌatsie ko̱jo tsi atíñá ngo ni tsi jmíjiín chi̱bo̱a̱a̱ ko̱jo tsi jaꞌeén kui cho̱ chꞌokjiꞌii̱, ko̱jo tsi xki̱i̱ jaꞌeén.

Tsi tjín xi ko̱e̱je̱ ndo̱bo̱a̱yà, ndo̱bo̱a̱yà kongínjo̱, kó xi ki̱cha̱ sa̱ꞌínkꞌiénni, ti̱ chjiéngá ki̱cha̱ ko̱yàní nga. Kꞌi̱e̱ bí nga xcha̱ kjo̱a̱chiyákjo̱a̱a̱ ko̱jo kjo̱a̱sꞌijii̱n xota̱ na̱xi̱ńdá tsjiee̱.

Kó kamábe an nga jatjo ngi̱jin ndáchíkoón ngo cho̱ chꞌokjiꞌi xi tjiín yito to̱ko̱ ko̱jo tie ndi̱ja̱, kó nga ngo nga ngo ndi̱ja̱a̱ ngo korona̱ kisꞌijñaa̱, kó nga ngo nga ngo to̱ko̱ kisꞌińdoo̱ jaꞌén xi chꞌo katsoó Néná.

Kó katseꞌéndieè tsi̱ꞌe̱ nga skjánjo̱ xota̱ na̱xi̱ńdá tsjiee̱ Néná, ngaskande nga sa̱ꞌiín. Ti̱ katseꞌeé xá kjo̱a̱a̱ ngayeje xtín xota̱, nangi xi tjín, ta̱jñà én xi tjín ko̱jo na̱xi̱ńdá xi tjín.

Kó tsꞌenṉcha̱jo xotaa̱ tꞌanangii̱ kjo̱a̱a̱ kui chi̱bo̱a̱ xi katseꞌeé nga sa̱ꞌín ngindyi̱ko̱n kui cho̱ chꞌokjiꞌi xi tjoón, nga bo̱a̱ katsoó xotaa̱ tsi̱ꞌe̱ nga sa̱ꞌínda ngo a̱sie̱én kui cho̱ chꞌokjiꞌi xi ta̱kó tikoón ndatsi je kiniꞌánꞌónnii̱ ngo ki̱cha̱yojó. Kó kui cho̱ chꞌokjiꞌi xi ma joó, katseꞌeé ngaꞌniú tsi̱ꞌe̱ nga tsja̱á kjo̱a̱mindyion a̱sie̱én kui cho̱ chꞌokjiꞌi xi tjoón, tsi̱ꞌe̱ nga kui a̱sie̱én xi ku̱i̱chji̱a̱ kó ka̱maa̱ sa̱ꞌínkꞌién ngayeje xota̱ xi sa̱ꞌíndikónjín.

Kui cho̱ chꞌokjiꞌi xi kamábe an, ja̱kjiꞌi xasinié má kjiꞌi, kó sé ja̱ kon se cho̱ꞌoso̱ kon, kó tsꞌoa xikó maá tsꞌoa xandi̱je̱. Kó kui cho̱ tamá xí yito to̱koo̱ katsjaá ngaꞌniuú ko̱jo nga atíxoma ko̱jo achichí tsie xá katsjaa̱.

Kó katseꞌéndieè kui cho̱ chꞌokjiꞌii̱ tsi̱ꞌe̱ nga nkꞌa tsíchji̱a̱ ko̱jo nga chꞌo katsoó Néná, ko̱jo nga kisꞌiee̱ xá yichán jó sá.

Kó ngo to̱ko̱ kui cho̱ chꞌokjiꞌii̱ je mejeén ma kꞌien, ta̱nga kamándaya, kó ngayeje xotaa̱ tꞌanangii̱ nga kijíndikoón kó kijítji̱ngii̱ kui cho̱ chꞌokjiꞌii̱

Sꞌe̱ jaskan kamábe an ingo cho̱ chꞌokjiꞌi xi jatjojin tꞌanangii̱, kó jó ndi̱ja̱ yajaá xikoó ndi̱ja̱a̱ cho̱tsa̱nga̱a̱, ta̱nga xikó maá cho̱ tamá xí yito to̱koo̱ bo̱a̱ má tsꞌén tsíchji̱a̱. Kó kisꞌiee̱ xá xi katseꞌeé cho̱ chꞌokjiꞌi xi tjoón, ngindyi̱ko̱n kui. Kó kuí boá xi katsꞌeén kjo̱a̱ꞌniú xotaa̱ kui tꞌanangii̱ nga katsꞌéndikón kui cho̱ chꞌokjiꞌi xi tjoón, kui xi kamándaya nga oo̱n to̱ko̱.