Priljubljene svetopisemske vrstice iz Xki̱ 14

Deli

Ta̱nga ꞌniú ndikón nga ngata̱ kondra̱jín mindyiónjnúu̱ Néná, ti̱nde ngata̱ ndakonjínmájnú kjo̱a̱a̱ kui xota̱ xi síndo kui ngi̱ndiee̱ ngotꞌe̱. Niꞌínjín si̱ꞌaa̱n nga ku̱i̱xkánjo̱, ngatꞌa̱ kui xotaa̱ jmíjín xi ndyi̱koo̱n. Kó ñá tikónná kui Néná xi tsꞌénbosikójoná, kuíni nga, ¡ngata̱ ndakonjínmájnú!

nga achichí kjo̱a̱tjó tjiín ko̱jo nga tsie kjo̱a̱chiyákón tjiín, kó nga kuíni nga niꞌínjetakíi̱n xota̱jeé. Jí boá xi je bo̱a̱ kase ji nga niꞌínjée̱ ndií, ko̱jo ndíndee̱, ko̱jo ndínde xi ma joó, ta̱ngatꞌanii̱ ni xi ndajín xi katsꞌén xi xchaá.

kui ngi̱ndiee̱ ngatsjéni̱xtjin nga tsie nichinie tjín. Néná tjórií ñá, kuí boá xi ko̱síko̱joná nga ku̱i̱tjásꞌi̱e̱n ki̱a̱a̱, kó tsja̱aná kuí ngi̱ndiee̱.

Ta̱nga Kalee̱b, nda̱ xi tsꞌénxátꞌana, ki̱a̱jín nijan kamá xota̱ xi ngasee̱, ta̱sá kisꞌijii̱n ni xi kixiyatjón an nga sa̱ꞌinkjatjosón an, kuíni nga kꞌo̱sꞌien kuí, ko̱jo ndií kui ngi̱ndie xi kixiyatjón an nga tsjàa̱, nínga síndo xota̱ tji̱e̱e̱ Amalee̱k, ko̱jo xota̱ tji̱e̱e̱ Kaa̱n. Kó jún, ndyiojón kongínjnú nangi kixií xtji̱e̱e̱n nínga tikón Ndáchíkón Inií.

Kó nga je bo̱a̱ ndyi̱tsó nga an xò bo̱a̱ xi atijée̱, ja̱ kotijée̱. Án boá xi Nee̱ xota̱ Israee̱l, kó ja̱koxi̱ boá nga bo̱a̱ sa̱ꞌin an.

kó bi̱ katsoó Moisee̱: —Ngaskande kjiꞌání nga kui xota̱ na̱xi̱ńdaá sꞌi̱jii̱n nga ndikónjín an, ko̱jo nga jmíjínna ngaꞌniú. Achichí kjo̱a̱ndikón je katsꞌen an ngindyi̱ko̱n, kó a ta̱kó kji̱e̱ sꞌijinjiín an.

Tsíchji̱a̱taꞌin Moisee̱ ko̱jo Aaroo̱n nga bi̱ katsoó: ¡Ta̱sara̱ ndatsi ki̱a̱ akayà nangi Ejipto̱, ko̱jo tsi kꞌi̱e̱ nangi kixií!

Kó Josuee̱ ko̱jo Kalee̱b ti̱ iskjíndiyájón ńjño xi ndyi̱yajá nga on kamaá kui nii̱. Nga jó kui jaá xi kijíkatsijenꞌmá ngayeje kui na̱xi̱ńdaá. Kó bi̱ katsoó ngayeje xota̱ Israee̱l: Ta̱nisién ꞌniú nda kui nangi xi kamáyàjne̱

Án boá xi Ne an, kó yandikónna ngayeje tꞌanangii̱. Ta̱ ngo tsí ni xi ꞌniú ꞌbíjñaá: Nde ngojín xota̱ xi kamábe kui kjo̱a̱ndikón xí katsꞌen an ki̱a̱ nangi Ejipto̱, ko̱jo ki̱a̱ nangi kixií xi sku̱i̱e̱ tꞌanangi xi kixiyatjóo̱n nga tsjàa̱. Án boá xi chꞌo tsꞌén tsíchji̱a̱taꞌinna, kó achichí kjín ndi̱yà askotꞌayákónna, kó ntꞌiéꞌénjínna nga.