Priljubljene svetopisemske vrstice iz Joo̱b 2

Deli

Kósꞌe̱ chjo̱ón Joo̱b, bi̱ kijítsoó: —A to̱kó ko̱ké jí nga nda ji xota̱. ¡Ta̱sá chꞌo tꞌíi̱n Néná, sꞌe̱ ngataye ji ngijee̱! Ta̱nga Joo̱b, bi̱ katsoó

Kósꞌe̱ Néná, bi̱ tsꞌén asíyaá: —A kiniꞌínkjéjín jí kjo̱a̱a̱ Joo̱b, nda̱ moso̱na, jmíjín ingo nda̱ ngayeje kui nga̱sondiee̱ xi bo̱a̱ tsꞌén nda ko̱jo xi kixi̱ xikoó kuí. Ngatsjéni̱xtjin nga bendikónna, kó chiíjín tsꞌén ni xi ndajín kjiꞌi, kó to̱kó kixi̱ tikón, ndatsi je bo̱a̱ kasení nga ndajín sa̱ꞌinjo̱ an, kó ndatsi jmí kjo̱a̱jínna nga katsꞌenkjié an kjo̱a̱ kui.

Kósꞌe̱ Néná, bi̱ katsoó Xindajiín: —Ja̱ ngi̱ya ndse̱ ji je tikón ngotꞌe̱ ꞌne̱, ta̱nga ngata̱ niꞌínkꞌínjín ji ki.

Nga ján já xí nda tsaꞌa Joo̱b kui xi ꞌmí Elifaa̱, kui xi chji̱a̱ni nangi Temaa̱n, ko̱jo Bilndaa̱nd, kui xi chji̱a̱ni ngo ngi̱ndie xi ꞌmí Súaa̱j, ko̱jo Sofaa̱r, kui xi chji̱a̱ni ngo ngi̱ndie xi ꞌmí Naamaa̱t, tsintꞌié ni xi ndajín xi kamaá Joo̱b, kó nga ngo nga ngo kui jaá jatjoni ngi̱ndie nínga síndo, kó índa nga nijan kjo̱chókoón, kó sa̱ꞌíndajoo̱n ko̱jo ka̱tso̱yaa̱ nga ko̱jo kui ndasen tjíndo kjo̱a̱a̱ nga jesón ndií. Kó nga jachó kui jaá ki̱a̱ nínga tikón Joo̱b, ta̱ kjín kamábeni, kó nde ngiti̱ kamábejín tsi kui, ta̱nga nga jachó kje̱n nínga tikón, ítsꞌi̱yanii̱ nga ꞌniú askjandá, sꞌe̱ iskjíndiyájón ńjño xi ndyi̱yajá, kó indyiaá ndiso to̱ko̱ tsi̱ꞌe̱ nga akó nga ndasen síndo ko̱jo kui nga. Kó yito ni̱xtjin, yito ni̱xtji̱e̱n nga kisꞌińdo tꞌanangi, nga ki̱a̱ nijan kisꞌińdojo̱ Joo̱b, kó nde ngojín kui jaá xi kamákón nga ngo ni katsoó, ngatꞌa̱ kamábe nga achichí ꞌniú ndajín kjiꞌi ni xi kamaá.