Priljubljene svetopisemske vrstice iz Xota̱ Éfeso̱ 6

Deli

Ngatꞌa̱ jmí tsi xota̱ nga̱sondie xi ndyi̱bixkánjo̱, xi tjiín ngaꞌniú boá xi ndyi̱bixkánjo̱, ko̱jo xi nkꞌa xaá, ko̱jo xi botixómá nga̱sondie jñó xi̱ꞌbi̱, ko̱jo ngaꞌniuú a̱siénni̱xtjin xi ndajín xi tjín nkꞌa jàn.

Ngatsjéni̱xtjin ndókjo̱a̱jnúu̱ Néná, kó te̱ꞌéndièjnúu̱ nga A̱si̱énni̱xtjii̱n xi ko̱síko̱jójnú nga ko̱ndókjo̱a̱jnú, ti̱ndyiondajnú kó ngata̱ niꞌánkjiejínjnú takónjnú, kó chji̱a̱ꞌatjejnú ngayeje xota̱ tsjiee̱ Néná.

Xikoó jájún xi ꞌbínda yojoo̱ nga fí kján, bo̱a̱ tsꞌén tꞌíndajnú yojojnú, tsi̱ꞌe̱ nga ꞌniú ku̱i̱ndyiajnú kjiꞌanga ka̱mamejeén kꞌo̱ṉcha̱jojnú xindajín ndiabloo̱.

Kuíni nga, tꞌíndajnú yojojnú xikoó jájún xi Néná je katsjaá ngayeje ni, tsi̱ꞌe̱ nga skoón yojoo̱, tsi̱ꞌe̱ nga kjo̱chíkjo̱a̱jnú nga kjo̱chó ni̱xtjin xindajiín. Kó ngije tjíndajnú yojojnú ꞌniú ti̱ndyiónjnú.

Ngatsjéni̱xtjin chjábéjnú kjo̱a̱sꞌijii̱n, kó kui xi ngatamajnú xikoó ngo ki̱cha̱ xi ꞌbíchjaá ni xi ndajín xi tsꞌénkjién ngo nda̱jun. Kuí kjo̱a̱sꞌijii̱n xi ngatꞌíchjaá kjiꞌanga xindajín ka̱mamejeén sa̱ꞌínꞌónjnú. Kó chjábéjnú kjo̱a̱ꞌnaxiéꞌaá, kó kui xi ngatamajnú xikoó ngo ki̱cha̱ xi ꞌbijñaá to̱ko̱ ngo nda̱jun. Kó chjábéjnú eén Néná, kó kui xi ngatamajnú xikoó ngo ki̱cha̱ndojó xi tsi̱ꞌe̱ A̱si̱énni̱xtjii̱n Néná.

Kuíni nga ꞌniú ti̱ndyiàjnú. Ti̱ꞌankjiénjnú ni xi ja̱koxi̱i̱, xikoó tsi kui xi ngatamajnú ngo tji̱xin xí ꞌbíkjá ndáyaá ngo nda̱jun. Ti̱ꞌankjiénjnú kjo̱a̱kixi̱i̱ xikoó tsi kui xi ngatamajnú ngo ńjño ki̱cha̱ xi boꞌmá ni̱se̱e̱n ngo nda̱jun. Ti̱ndyiondajnú nga kꞌuiníjmi̱jnú éntjatsi̱e̱e̱ kjo̱a̱xioó xikoó tsi kui xi ngatamajnú ndié xí boyá ngo nda̱jun.

Kó nga fetꞌaa̱ ntsꞌie, ngasakó ngaꞌniújnú ngi̱jii̱n ngaꞌniú xí jee̱ Ndi̱a̱ná.

Kjo̱a̱botíxoma xi tjón xi tsꞌéntsóyà ni xi Néná tsja̱á xota̱ xi ku̱i̱ntꞌiéꞌeén, kuí bí xi̱ꞌbi̱: “Che̱ndikín jí na̱ꞌmíi̱ ko̱jo na̱áa̱n, tsi̱ꞌe̱ nga nda tsꞌén ku̱i̱ndyin ji, kó tsie ka̱maa̱ nga ku̱i̱ndyin ji kui nga̱sondiee̱.”

Jún xi ndí jún xi sꞌijinjnú Ndi̱a̱ná, ndaꞌyáꞌénjnúu̱ xi xchájnú, ngatꞌa̱ kuí nii̱ xi kixi̱ ngindyi̱ko̱n Néná.