Priljubljene svetopisemske vrstice iz 2 Timoo̱ 3

Deli

Ngayeje ni xi kjitꞌa xo̱jo̱n eén Néná, A̱si̱énni̱xtjii̱n Néná boá xi íjñajii̱n én xi ítꞌa xota̱ xi katsꞌénꞌindó ngayeje kui xo̱jo̱o̱n, kó nda kuí eén tsi̱ꞌe̱ nga ko̱ko̱yá, ko̱jo tsi̱ꞌe̱ nga ꞌniú ko̱ndókjo̱a̱jo xotaa̱, ko̱jo tsi̱ꞌe̱ nga si̱ꞌanchji̱ni̱e̱ xotaa̱, ko̱jo tsi̱ꞌe̱ nga ko̱ko̱yaá xotaa̱ kótsꞌèn nga kixi̱ kꞌuíndo, kó kuí xo̱jo̱o̱n xi sa̱ꞌín nga xota̱ xi ndyi̱tsꞌèn xaá Néná, kꞌuíndonda nga ka̱maa̱ nga sa̱ꞌín ngayeje ni xi ndaa̱.

Ti̱ chjiéngá xche̱ ji kui nii̱ nga: Nga ni̱xtjin xi fetꞌaa̱, kji̱ndi̱bá ni̱xtjin xi ta̱nisién niꞌin ka̱ma. Ngatꞌa̱ xotaa̱ ka̱maꞌonkon, kó to̱o̱n xi ꞌniú sa̱ꞌíntjó ngase, ko̱jo je ka̱maa̱ yojoo̱, ko̱jo ta̱kuítsí xi sa̱ꞌíntjó yojoo̱, ko̱jo chꞌo ka̱tso̱o̱ Néná, ko̱jo ku̱i̱ntꞌiéꞌénjiín xi xchaá, ko̱jo xota̱ xi tsꞌénkiejín yojoo̱ nga bosíko̱jo ka̱ma, kó sku̱i̱e̱ndikónjín Néná. Jmí kjo̱a̱tjó, ko̱jo jmí kjo̱a̱ni̱ma̱takón kꞌuiéjiín, ko̱jo ku̱i̱ꞌíndisotaꞌin xota̱ xi ngasee̱, ko̱jo ka̱májiín ku̱i̱ꞌíꞌniuú yojoo̱ nga ni xi ndajín sa̱ꞌín, ko̱jo tamá ka̱ma, ko̱jo kondra̱ ka̱maa̱ ngayeje ni xi ndaa̱. Ko̱tíñá xkjín, ko̱jo ta̱xkiya sa̱ꞌín ngo ni, ko̱jo achichí je kꞌo̱xié yojoo̱, ko̱jo tjó ngase ka̱maa̱ kjo̱a̱tsjaa̱ yojoo̱ ta̱bo̱a̱jiín nga Néná ko̱ngase. Ja̱ sa̱ꞌín xi bendikón Néná sa̱ꞌín, ta̱nga kjo̱a̱a̱ xikótsꞌèn síndo, ko̱kó nga jmíjiín kui ngaꞌniú xí Néná tsjaá xota̱ xi bendikón. Ngata̱ ki̱a̱jín niꞌínkamaje̱ ji kui xota̱ xi̱ꞌba̱.