Priljubljene svetopisemske vrstice iz 2 Xo̱jo̱o̱n Peé 2

Deli

Ngayeje kui nii̱ xi bokó nga Ndi̱a̱ná márií ꞌboxiéjin ngi̱jii̱n kjo̱a̱chjatꞌayákón xi ꞌbeé xota̱ xi bendikón Néná, kó ti̱ tjínrií ngaꞌniú nga ko̱tíjeé xota̱ xi kixi̱jín, nga kjo̱chó ni̱xtjin nga Néná ka̱tso̱yà tsi nda ko̱jo tsi ndajínkjiꞌi ni xi katsꞌén xotaa̱.

Ngatꞌa̱ ta̱sara̱ ndatsi kamábejín kui jaá ndi̱yà xí kixi̱i̱, ta̱bo̱a̱jiín tsi ngije kamábe, xín sa̱ꞌínkjaꞌàa̱ yojoo̱ kui kjo̱a̱botíxoma tsjie xi je katseꞌeé. Ta̱nga kui jaá jè bo̱a̱ kamaá xikó tsó kui én xchá xí ja̱koxi̱i̱: “Ńñaá kjinie nginí ni xi fosoó, kó chi̱nga̱ xi je tsjiee̱ fí tsꞌén ndáse nginí yojoo̱ ngi̱jin ndásee̱.”

Bo̱a̱ ndyi̱tsoó xotaa̱ nga sꞌi̱ndondé, kó kuí síndo, xikoó moso̱ xi kastiñaá ni xi fotsoo̱n. Ngatꞌa̱ ngayeje ni xi tsꞌénná xi tsꞌénchájáná, kuí nii̱ xi ꞌbíndoꞌniúná.

Tsi je ya ñá nga Jesukristoo̱ xi Ndi̱a̱ná, ko̱jo nga kui xi tsꞌaxiéꞌáná, kó tsi kuíni nga je ikiyòo̱ ni xi ndándií kui nga̱sondiee̱, kó tsi ti̱ bo̱a̱ ti̱ si̱ꞌan nginí ñá xikó kiniꞌán ngasꞌe̱, kó tsi kui nii̱ xi ti̱ sa̱ꞌín nginíná nga sa̱ꞌínchajaná, bo̱a̱ tsꞌén nga chꞌo ngase tsꞌén ku̱i̱ndyión ta̱bo̱a̱jiín ngasꞌe̱.

Ngi̱jii̱n xota̱ jundíoo̱ kisꞌie jáchji̱ni̱e̱ꞌén ndiso xi tsꞌenṉcha̱, kó ti̱ bo̱a̱ ti̱ tsꞌén kꞌuié mostro̱ xi kꞌo̱ṉcha̱ ngi̱jii̱n jún. Kui jaá, kuí boá xi ꞌma ꞌma ko̱kóyájnú kje̱ꞌe ni xi sa̱ꞌínkjatsónjnú. Sa̱ꞌínkiejín yojoo̱ kjo̱a̱a̱ kui Ndi̱a̱ná xi tsꞌaxiéꞌá. Kuí nii̱ xi sa̱ꞌín nga kui xotaa̱ tsá si̱ꞌankjie.