Priljubljene svetopisemske vrstice iz 2 Xota̱ Korinto̱ 4

Deli

Jmí tsi ni xi ndyi̱yà xí si̱ꞌansée̱n, kuí ni xi yàjiín xi si̱ꞌansée̱n, ngatꞌa̱ ni xi yaa̱, ta̱ ngotjón tsí sꞌijña, ta̱nga ni xi yàjiín ngatsjéni̱xtjin sꞌijña.

Kó kuíni nga ndyi̱niꞌankjiéjínjne̱kjo̱a̱, ngatꞌa̱ ndatsi je kjife ngaꞌniuú yojojne̱, ta̱nga ini̱ma̱jne̱ kjimatja̱tsi̱e̱ya ndyiojón ndyiojón. Ngatꞌa̱ kui kjo̱a̱ni̱ma̱ xi ta̱ ngotjón nga ndyi̱bitjatió ñá, kuí xí tsja̱aná ngo kjo̱a̱je xi ngatsjéni̱xtjin ko̱jo xi nda ngase.

Ndatsi kjín kjo̱a̱ni̱ma̱ ndyi̱bitjatiójne̱, ta̱nga tjisákó ndi̱yàjne̱ kótsꞌèn kjo̱tjojinjne̱. Ndatsi nda̱ kjimajne̱, ta̱nga jmí tsi yàjínjne̱ mí ni xi si̱ꞌanjne̱. Ndatsi tjimíyotji̱ngijne̱, ta̱nga jmí tsi je íjñámasienjne̱ Néná. Ndatsi je akjatójójne̱, ta̱nga jmí tsi je kiniꞌánchajajne̱.

Néná katsjájne̱ kui kjo̱a̱cho̱n xi̱ꞌbi̱, kó ji̱n xikónií ngo boso̱ ti̱jì nínga tikóntjó kui kjo̱a̱cho̱o̱n. Tsi̱ꞌe̱ nga sꞌi̱jña tsijen nga kui ngaꞌniú ndakjiꞌii̱ tsi̱ꞌe̱ Néná ka̱ma, kó jmí tsi tsa̱ji̱n.

Ngatꞌa̱ nee̱ kui nga̱sondiee̱ katsꞌénjñoó kjo̱a̱kjíntakoón kui xota̱ xi sꞌijinjiín, tsi̱ꞌe̱ nga sku̱i̱e̱ cha̱n cha̱njín, kjo̱a̱tsijee̱n ndiꞌí ꞌna̱a̱ éntjatsi̱e̱ xi tsꞌéntsóyà kjo̱a̱jee̱ Kristoo̱, kó kuíni nga, nga ya ñá Kristoo̱, makjínná kókjiꞌi kjo̱a̱jee̱ Néná.

Ngatꞌa̱ kuí Néná xí katsjákjo̱a̱ nga nínga jñoó sa̱ꞌíntsijen ndiꞌií, kó ti̱kuíní xi katsꞌéntsijen ndiꞌií ngi̱jin ini̱ma̱ná, kó katsꞌéntsijee̱n tsi̱ꞌe̱ nga ka̱makjínná kjo̱a̱jee̱ Néná xí tjítsꞌén ꞌna̱ kje̱n Jesukristoo̱.