Priljubljene svetopisemske vrstice iz 1 Timoo̱ 6

Deli

Ti̱xkéntjé ji kjo̱a̱sꞌijinná, chjábé tsján tsján ji kui xi katsjáná kjo̱a̱mindyion ngatsjéni̱xtjii̱n, ngatꞌa̱ kuí xá tsíchji̱a̱nii̱ Néná, kuíni nga kiꞌmíyé ji nga sꞌijii̱n Jesukristoo̱ ngindyi̱ko̱n kjín xota̱ xi kamá chistiko̱.

Ngatꞌa̱ kjiꞌanga ꞌniú niꞌántjó to̱o̱n, ki̱a̱ ndibánií ngayeje to̱ko̱ya ni xi ndajín, kó tjín xota̱ xi ta̱ngatꞌanii̱ nga mejeén ka̱ma cho̱n, nga xín katsꞌénkjaꞌa kjo̱a̱sꞌijii̱n, kó ti̱kuíní xi ndyi̱tsꞌènꞌoón yojoo̱.

Ta̱nga kjénní nga tsꞌéncho̱nná kui kjo̱a̱yandikoón Néná tsi tsja tjínná kjo̱a̱a̱ ni xi tjínná

ngatꞌa̱ nga jéꞌe̱ ñá kui nga̱sondiee̱, jmí ni kichꞌiájín ñá, kó jmí ni xꞌi̱a̱jín ñá nga kongín.

Xota̱ cho̱o̱n kui nga̱sondiee̱ tatíxomée̱ nga jejín ꞌboxié yojoo̱, ti̱nde nga kjo̱a̱cho̱o̱njín xi ka̱maꞌniátakón, ngatꞌa̱ kjo̱a̱cho̱o̱n jmí tsi ngatsjéni̱xtjii̱n nga sꞌi̱jña, ta̱sá kui Néná xi tikoón xi ngatamaꞌniátakón, ngatꞌa̱ kuí boá xi tsjáná ngayeje ni xi machjiénná, tsi̱ꞌe̱ nga tsjatsꞌèn si̱ꞌankjién kuí nii̱.

Ngatꞌa̱ kui xota̱ xi mejeén nga ka̱ma cho̱o̱n, tsꞌenseén ni xi ꞌboṉcha̱jo, ngatꞌa̱ ta̱ chiboa ma mejénrií ni xi jmí ni chjíjiín ko̱jo ni xi ndajíntsꞌeén, kó kui nii̱ xi tsꞌenkjié ko̱jo xi tsꞌénchájá kui xotaa̱.

Tatíxomée̱ xota̱ cho̱o̱n nga ni xi nda sa̱ꞌín, ngatꞌa̱ kuí nii̱ xi kjo̱a̱cho̱o̱n ka̱ma, kó nga ndikonkónjín ka̱ma nga tsja̱á ko̱jo nga sa̱ꞌínkabisoón xotaa̱ ni xi tjiín. Bo̱a̱ tsꞌén nga kꞌuieé ngo kjo̱a̱cho̱n xi ko̱síko̱jo ni̱xtjin xi sꞌe̱ ndibaá, kó kꞌuieé ngo kjo̱a̱mindyion xi ja̱koxi̱i̱.