Priljubljene svetopisemske vrstice iz 1 Já ree̱ 17

Deli

Ngatꞌa̱ bi̱ katsó Néná, kui xi Nee̱ xota̱ Israee̱l: Ndso̱ko̱a̱n ṉño̱pan xi tjín ngi̱ya tina̱xa̱a̱ kju̱i̱e̱jín, ti̱nde kjo̱a̱ꞌajenjín isti̱ xi ndyi̱a̱ ti̱ji̱ì, ngaskande ni̱xtjin nga Néná sa̱ꞌínkjaꞌa nginí stseé nga̱són tꞌanangii̱.

Kósꞌe̱ Eliyaa̱ nda̱ xi chji̱a̱ni nangi Tisbee̱, ngi̱ndie xi chji̱a̱ni nangi Ngalaa̱nd, bi̱ katsoó Akaa̱b: Ja̱koxi̱ boá nga tikón Néná, kui xi Nee̱ xota̱ Israee̱l, kui xi ki̱a̱ ngindyi̱ko̱n kui tikón an, nga kui noó jmí stsé ko̱jo jmí xoño kꞌuiéjín, tsi ánjín xi bo̱a̱ xian án.

Kósꞌe̱ Eliyaa̱, bi̱ katsoó: —Ngata̱ ndakinjín má ji, tꞌen ji, kó ti̱ꞌin ji xikó kasení, ta̱nga tjón mára an ti̱ꞌindení ngo pan xi kjikjojó, sꞌe̱ ndibéje̱ní, sꞌe̱ jaskan ti̱ꞌinde ji ngo tse̱ ko̱jo ngo tsi̱ꞌe̱ ndíi̱.

Ta̱nga bi̱ katsó kui xota̱chjo̱on: —Ja̱koxi̱ boá nga tikón Néná, kui xi Ne tse̱, nga jmíjínna pan xi je kachján, ta̱ ngo tsí tji̱ngo̱ ndso̱ko̱a̱n ṉño̱pan xi tikón ngi̱ya tina̱xa̱a̱, ko̱jo chií isti̱ xi ndyi̱a̱ ngo ti̱ji̱ì xí tikónna, kó jó ndí chikín tsꞌénfoaꞌátikó án, tsi̱ꞌe̱ nga kꞌo̱sꞌien an, kó sa̱ꞌinda an nichinie, tsi̱ꞌe̱ nga xi̱ni̱e̱ ji̱n an ko̱jo ndína, sꞌe̱ ngije kichiniejne̱ nichinie ngatꞌienjne̱ ngijee̱.

Ti̱sítji̱n ji, kó tꞌen ji na̱xi̱ńdáꞌniú Sarepta̱, ngi̱ndie xi chji̱a̱ni nangi Sindoo̱n, kó ki̱a̱ ti̱ndyin ji, ngatꞌa̱ jè katsjáa̱kjo̱a̱ ngo xota̱chjo̱on kꞌán xi je kꞌien xi̱ꞌii̱n, tsi̱ꞌe̱ nga tsja̱á ni xi xi̱ni̱ ji.

Kó ndso̱ko̱a̱n ṉño̱paa̱n xi ndyi̱a̱ tina̱xa̱a̱ jejín, ti̱nde jaꞌajenjín isti̱ xi ndyi̱a̱ ti̱ji̱ì, bo̱a̱ má kamá xikó má katsó Néná nga tsíchji̱a̱jo nda̱ chji̱ni̱e̱ꞌe̱én Néná xi kiꞌmí Eliyaa̱.

Kó kui xota̱chjo̱on kijí, kó katsꞌén ngayeje ni xi katsoó Eliyaa̱, kó kjín ni̱xtjin nga kisꞌiee̱ nichinie xi iskjinie kui, ko̱jo kui xota̱chjo̱on, ko̱jo xota̱ xi kisꞌińdo ndiꞌaa̱.

Kósꞌe̱ Eliyaa̱ jastjíe̱n, kó kijí na̱xi̱ńdáꞌniú Sarepta̱. Kó nga jachó nínga bitjasꞌi̱e̱nnii̱ na̱xi̱ńdáꞌniuú, ki̱a̱ kamábe ngo xota̱chjo̱on kꞌán xi je kꞌien xi̱ꞌii̱n xi tsꞌénfoaꞌátikó chikín, kó Eliyaa̱ tsíchji̱a̱a̱ kui xota̱chjo̱on, kó bi̱ katsoó: —ꞌNiú míꞌaá nga kji̱ndi̱béje̱ chiíní ngo boso̱ ndáfoa, tsi̱ꞌe̱ nga kꞌuí an.

Kó ki̱a̱ sꞌi̱ ji ndáfoaa̱ xo̱ngàndántꞌieé, kó Án jè katsangiya An ni̱sie kuerboo̱, tsi̱ꞌe̱ nga ki̱a̱ tsja̱á ni xi xi̱ni̱ ji.

Kó ngije tsꞌénfíkjaꞌá ndáfoaa̱ kui xota̱chjo̱on, Eliyaa̱ ti̱ tsíchji̱a̱ nginií, kó bi̱ katsoó: —ꞌNiú míꞌaá, nga chií pan chꞌi̱e̱ní nga.

Kó ni̱sie kuerboo̱ jachójoo̱ pan ko̱jo yojo nga ta̱jño̱ó, kó ti̱ jachójoo̱ pan ko̱jo yojo nga kamángixoón, kó ki̱a̱ katsꞌe ndáfoa ki̱a̱ xo̱ngàndántꞌieé.

Kó ngije jaꞌa chiboa ni̱xtjin, kixíyà xo̱ngàndántꞌieé, ngatꞌa̱ ngiti̱ tsaꞌájín stsé nga̱són tꞌanangii̱.

Kósꞌe̱ kui xota̱chjo̱on, bi̱ katsoó Eliyaa̱: —Ngotꞌe̱ ꞌne̱, nga be an nga xota̱a̱ Néná boá jí, kó nga ja̱koxi̱ boá eén Néná xí ndokjo̱e̱ ji.

Kó kui nda̱a̱ kijí, kó katsꞌén ni xi katsó Néná, ngatꞌa̱ ki̱a̱ kijíkꞌíjñá tꞌa xo̱ngàndántꞌié Kerii̱t, kui xi tikón kje̱n ndejèꞌ Jorndaa̱n.

Kó Néná tsintꞌieé Eliyaa̱, kó kui ndií jaꞌáꞌyá nginií ini̱ma̱a̱, kó kisꞌijña nginí.