Priljubljene svetopisemske vrstice iz GENESIS 3

Deli

Chaymi warmi qawarqa mikunapaq allin sacha kasqanta, qawarqataqmi sumaqllaña kasqantapas chaynataq yachay haypanapaq munayllapaqña kasqantapas chaymi rurunta pallaruspa mikururqa. Qosanmanpas qoykuptinmi paypas mikururqa.

Tayta Diospa purunpi llapallan animalkuna unanchasqanmantam culebra aswan sacre karqa. Culebram warmita nirqa: —Diosqariki nisurqankichik: “Huertapi llapa sachakunapa ruruntaqa amam mikunkichikchu” nispam ¿aw?

¡Warmitawan qamtam cheqninachisqayki, cheqninachisaqtaqmi miraynikitawan miraynintapas! Mirayninmi umaykita chamchasunki, qamñataqmi talonninpi kachunki.

Warmitañataqmi nirqa: Wiksayakuptikim ñakariykunata yapasqayki. Nanaywanmi wawaykikunata wachakunki, chaywanpas qosaykitam munaypaq-munanki, hina paytaqmi qamtaqa kamachisunki.

Allpaman kutiykunaykikamam sinchita llamkaspa mikunaykita tarinki. Allpamanta horqosqam kanki. Allpallam kanki, allpallamantaqmi tikrakunki.

Adantañataqmi nirqa: Warmikipa nisusqaykita kasukuspam “Amam mikunkichu” nisqay ruruta mikurunki. Qampa rurasqaykiraykum allpa ñakasqa kanqa. Kawsanaykikama llamkaspam allpamanta wiñaqta mikunki.

Hinaptinmi Dios nirqa: —¿Pitaq willasurqanki mana pachayoq kasqaykita? ¿Icha “Amam mikunkichu” nisqay sachapa ruruntachu mikururqanki? —nispa.

Runata hawaman qarqoruspanñataqmi Eden Huertapa intipa qespimunan lawpi churarqa querubin sutiyoq angelkunata. Paykunaqa karqa ruparichkaq espadayoqkamam chaynapi kawsay qokuq sachaman riq ñanta waqaychanankupaq.

Chaymantam warminta runa suticharqa Evawan, payqa llapallan kawsaq runakunapa maman kasqanrayku.