Priljubljene svetopisemske vrstice iz ꞌZaan 4

Deli

A -gblee, -aꞌba -tɩta -Lagɔ ꞌmo-o -zuzu ꞌꞌnyɩꞌa nyʋ tinɩɛzɛgɛ. -Nɔɔ -lue -nɩꞌe-e nyninamʋ ꞌle ɛ ꞌꞌdu-ɛꞌɛ wɔn -nalo, -ka ɔ -nɩꞌa -ziaka, ꞌle, -ka ɔ ꞌbɔꞌɔ ti ꞌle *ꞌɔ Lisaazuzuꞌa wɔnkuɛ ꞌmʋ nyunyuꞌa -zuzu ꞌke ɔ bʋbɔ ɔ, ꞌbho-o ʋn-ʋ ꞌye -kaa -nʋ -nɩ mʋ -ka -zɛgɛka. A ꞌye li-ɔ, ꞌle ꞌɔ Lisaazuzuꞌa wɔnkuɛꞌɛ ꞌꞌsɛ ꞌmʋ, nyunyuꞌa -zuzu ꞌbhɛɛꞌo, -ka ɔ -nɩꞌa -ziaka, ɩ ꞌke ɔ -kaa bʋbɔ.

A -gblee, -aꞌba -tɩta -Lagɔ ꞌmo-o -zuzu ꞌꞌnyɩꞌa nyʋ tinɩɛzɛgɛ. -Nɔɔ -lue -nɩꞌe-e nyninamʋ ꞌle ɛ ꞌꞌdu-ɛꞌɛ wɔn -nalo, -ka ɔ -nɩꞌa -ziaka, ꞌle, -ka ɔ ꞌbɔꞌɔ ti ꞌle *ꞌɔ Lisaazuzuꞌa wɔnkuɛ ꞌmʋ nyunyuꞌa -zuzu ꞌke ɔ bʋbɔ ɔ, ꞌbho-o ʋn-ʋ ꞌye -kaa -nʋ -nɩ mʋ -ka -zɛgɛka. A ꞌye li-ɔ, ꞌle ꞌɔ Lisaazuzuꞌa wɔnkuɛꞌɛ ꞌꞌsɛ ꞌmʋ, nyunyuꞌa -zuzu ꞌbhɛɛꞌo, -ka ɔ -nɩꞌa -ziaka, ɩ ꞌke ɔ -kaa bʋbɔ.

A -gblee, ꞌꞌni ꞌmna-a ꞌyeꞌa nyɔ ꞌꞌnyɩ mʋ, -bho ɔ ꞌnɛ ɛ, ꞌꞌnitʋ -see ɔ ꞌlbha yi ꞌꞌkɔmʋkɔmʋ. ꞌLe ꞌꞌyi ꞌmʋ ꞌɩn-ɩ ꞌtmʋʋꞌo amʋ, ɛ-bɛ ꞌꞌnizɛgɛ ꞌmnɛ, -ka ꞌꞌnilru -seeꞌa -ma yi, ꞌka-a ɛ-ɛ ꞌye -nɩ mʋ ꞌle ɔ ꞌmʋ, ꞌle, ꞌɛ dɩ, tinɩɛzɛgɛ-ɛ seꞌa ꞌꞌtiinamʋ ꞌbhle, ɔ ꞌke ɛ ꞌye.

ꞌLe ɔ na: ꞌJɛ -Lagɔ ꞌybhaꞌa ɔ ꞌke amʋ ꞌꞌlrulinʋ, -bho a yibo nɛ ꞌkɩ, nyɔ -yɔ ꞌybhaaꞌa amʋ ꞌnanani ꞌle a ꞌke ɔ yibo -lrɛɛ ɛ, ɛ-bɛ ꞌꞌni ꞌmnɛ, a-bʋ ꞌke ɔ ꞌkɩ ꞌybhaa ꞌle ɔ ꞌke amʋ ꞌꞌnilruzɛgɛ ꞌꞌnyɩ.

ꞌLe ɔ na: Lililɛ ꞌmna-a ꞌꞌsiꞌa -laa ꞌnynɩ, ꞌɛ ꞌzɔ ꞌmo-o, -Lagɔ lbhoꞌa ꞌɩnmʋ, ꞌɩn ꞌke ꞌɔ ꞌgwlʋdɩ nʋ, ꞌle, lbhʋ ɔ ꞌꞌnyɩꞌa ꞌɩnmʋ, ꞌɩn ꞌke ɛ ꞌꞌyigwɛ.

ꞌLe ʋn na: ꞌAn ꞌlotʋꞌa ꞌꞌyu, ꞌꞌnibhie -nɛɛ -tɛꞌɛ ꞌmʋ-ɛ, ꞌle -ɩn se ꞌꞌniplilɛ ꞌbhle, doo -ɩn ꞌke ꞌꞌni ꞌmnɛ -zaꞌa?

ꞌLe ʋn na: ꞌƖn yiboꞌo-o na *-Lagɔꞌɔ ꞌBhozayi, Mesii-i ꞌye-e -yi -mʋ. (Le Glɛkɩwlu ꞌmʋ, ʋn-ʋ ꞌlɔ -ɔ *Kliisɩ; ꞌɩnnɔ ꞌmo-o *-Lagɔꞌɔ ꞌBhozayi -ɔ ꞌpʋʋnꞌa nyʋ.) -Bho ɔ yi ꞌnɔɔ -aꞌba ꞌꞌklumʋ, ɔ-ɔ ꞌye-e ꞌya ꞌwee gbɔzɩza -mʋ, ꞌle ɔ ꞌke -amʋ ꞌtmʋʋ. ꞌLe ɔ na: ꞌƖnmɔ -ke a -nɩꞌa -wlunamʋ, nyɔ a ꞌꞌsiꞌa ꞌnynɩ, ꞌɩnmɔ moꞌo.

Dɩ ꞌwee ꞌɩn nʋꞌa a, nyɔ-ɔ -zɩ ꞌɩ ꞌɩnmʋ -bodɩ ꞌmʋ, a yi a ꞌke ɔ ꞌye. Ɔ kɔɔꞌɔ-ɔ *-Lagɔꞌɔ ꞌBhozayi lɛ!