Priljubljene svetopisemske vrstice iz Jean 10

Deli

Kimoti iriniw, wetci pe icatc, tepirak kitci kimotitc, kitci nipatasotc kaie kitci pikotasotc. Nin ni ki pe ican ota askik, kitci ki takonik iriniwok pimatisiwiniw, kitci mockineckakotcik, e micta mirwacinik.”

“Nin anahwe maritcenici iriniw ka miro nanakatcihatc omaritcenicima e iteritakosian. Miro maritcenici iriniw matci pakiteritam opimatisiwin omaritcenicima otci.

Nimaritcenicimak ni miro natotakok tan e itewak. Ni kiskerimawok, kaie ni nosanehikok.

Kakike pimatisiwiniw ni mirawok. Nama tca wiskat kata oniciniwok. Nama awik ni ka ki pe maninamakw nitcitcik e takonimaki.

Tarasak mia ickwatem nit iteritakosin. Anahwe ka pitaketc, nin e cenamowak, kata wikotcihakaniwiw. Kata pakitinakaniwiw matci kitci pitaketc kaie kitci orowitc. Kata miskam ke mitcik.

“Nin anahwe miro maritcenici iriniw e iteritakosian. Ni miro kiskerimawok nimaritcenicimak, kaie ni miro kiskerimikok.

Anahweriw ka ki pe miritc Notawi, kirawe kicteritakosiriwa patok kaskina kotakihi awiriwa. Nama kata ki maskamakaniwiw Notawi awiriw e takonatc. Notawi kirika nin, e niciak mia peikw e asiteritakosiak.”

Mia Notawi e ici miro kiskerimitc, ekoni kaie nin e ici kiskerimak. Kaie ni pakitinen nipimatisiwin nimaritcenicimak otci.

Nama awik ni ka ki maninamakw nipimatisiwiniw, patoc nin tipirawe e ici naheritaman kitci pakitinaman. Ni ki mirikowin tiperitamowin kitci pakitinaman nipimatisiwin, matci peikon kiapatc kitci pe otitikoian. Ekoni meka ka ki ici miritc Notawi kitci itotiskewak.”

Kiapatc itew Cecoc: “Ohwe ka witamatakok, tapwe ni icinakon: nin nit iteritakosin mia ickwatem miniskanatikok ka ici takok, neta ka ici kanawerimakaniwitcik maritcenicak.

Kecpin iriniw e akacehakaniwitc kitci witcihiwetc e nanakatcihakaniwiritci maritcenica, pitoc kata ici mihew anahweriw maritcenica kaie anahwe tapwe maritcenici iriniw. Namaiew ni wir tipirawe omaritcenicima anahwe ka akacehakaniwitc. Kotc wapamate mahikana e petcimoteritci, ekoni ke ici nakatatc anahweriw maritcenica kitci ocimotc. Anahwe tca mahikan kata kwackotitawew anahweriw maritcenica. Aci kata orackapahitoriwa.

Cecoc ki itew: “Ohwe ka witamatakok, tapwe ni icinakon: anahwe aka ka otci pitaketc ickwatemik nete ka ici kanawerimakaniwiritci maritcenica, ka pacitaskotc miniskanatikok, kimoti iriniwiw kaie iteritakosiw mia awik ka macihiwetc e kimotitc.