Priljubljene svetopisemske vrstice iz Matteu 5

Deli

Quand'omu accende una lumera, ùn s'hà da assuffucà la, ma s'hà da mette bella in altu, da schjarì à tutti quelli di casa. Cusì ch'ellu schjarischi u vostru u lume in pettu à l'omi, da ch'elli vechinu u bè chè vo fate, è fà ne e lode à u vostru babbu chì stà in celu.»

A luce di u mondu site voi. Ùn hà da esse piatta a cità inalpellata.

Beatu à chì hè puruin u so core, chì hà da vede à Diu!

Beatu à chì hè in brama di ghjustizia, chì hà da esse suddisfattu.

Eu vi dicu: i vostri nemichi tenite li cari, è pricate pè quelli chì vi perseguiteghjanu

«Beatu à chì hè povaru è a sà, chì l'hà da tuccà u regnu di i celi.

Beatu hà chì porta a pace in giru, chì Diu l'hà da vulè pè figliolu!

Beatu à chì pienghje, chì hà da esse cunsulatu.

Beatu à chì hè perseguitatu per causa di a ghjustizia, chì l'hà da tuccà u regnu di i celi!

Beatu à chì hà pietà di l'altri, chì pietà li si derà!

Site beati s'elli v'insultanu è vi perseguiteghjanu, è sì per causa mea dicenu di voi u male è u falsu. Ralegrate vi puru, chì vi tocca tamantu premiu in celu; dinò cusì funu perseguitati prima di voi i prufeti.»

Beatu à chì hè bravu, chì l'hà da vene a terra prumessa.

«U sale di a terra site voi. Ma s'ellu vene lazzu u sale, cun chè s'hà da fà turnà salitu? Ùn vale più nunda, hè da ghittà è tutt'ognunu u calpeghja.

Siate dunque voi perfetti, cum'ell'hè perfettu u vostru Babbu di u celu.»

A vostra parolla ch'ella sia sì s'ell'hè sì, nò s'ell'hè nò. U soprappiù vene da u male.»

«Avete intesu ch'ellu hè statu dettu: ochju ochju, dente dente Ma eu vi dicu d'ùn risponde à u male; sì qualchissia ti mena nant'à a masca dritta, para li ancu l'altra a masca.

U to ochju drittu s'ellu ti scandalizeghja caccia lu è frumbula lu luntanu, chì ti cunvene à perde un membru solu, è a to persona sana ch'ella ùn sia lampata in u focu eternu. È s'ella ti scandalizeghja a to manu dritta, stradeca la è lampa la luntanu, chì ti cunvene à perde un membru solu, è a to persona sana ch'ella ùn sia lampata in u focu eternu.»