Priljubljene svetopisemske vrstice iz Piligu 49

Deli

Nam jaaŋgbee ti ku yi Juda nuu ni. Nam jaaŋgbee mi ti ku yi o zuliya nuu ni hal ka ŋun su li ti kana. Ka niriba ni ti deer’ o noli.

“Yisifu ŋmanila ti’ shɛli din wandi wala, ka nyɛ din ʒe n-tab’ kulibɔŋ, ka di wula zooi yaɣi kuligbiriŋ zuɣu. Peentɔriba ni ti lir’ o, ka di bi viɛla. Bɛ ni ti to o piɛma, ka nahim o pam.

Amaa o tɔbu ku kabi, ka ti yaannim’ Naawuni ŋun nyɛ kpiɔŋlan’ ŋɔ ni chɛ ka o nuhi mali kpiɔŋ ŋuna ŋun nyɛ Izraɛlnim’ gula, ka yihiri ba barina ni ŋɔ yuli zuɣu. A ba Naawuni ni sɔŋ a. Naawuni ŋun nyɛ Kpiɔŋlan’ Naa ŋɔ ni chɛ ka saa mi a. O ni chɛ ka kom yi tiŋgbani puuni na a zuɣu. O ni ti a bihi mini niɣi pam.

“Juda, a mabihi ni ti paɣ’ a. A ni ti zaŋ a nuu gbaag’ a dimnim’ nyiŋgoya ni. A ba bidibisi ni ti damd’ a tooni. Juda ŋmanila gbuɣimbila. M bia, a ku a dima, ka ŋmaligi kpe a yiŋa. A teeg’ amaŋ’ dɔni kaman gbuɣinli la. A ŋmanila gbuɣin’ nyaŋ. Ŋuni n-lee ni tooi dam’ a?

“Rubin, nyini n-nyɛ m bituuli, nyini n-nyɛ n kpiɔŋ; ka lan nyɛ n dɔtali tuuli bia. A nyɛla toondana ka mali kpiɔŋ pam. A ŋmanila kom din bi do baalim, a mi ku gari sokam, dama a daa zaŋ a ba paɣ’ dɔni o bindoo zuɣu n-ta li daɣiri. A daa dɔni m bindoo zuɣu.