Priljubljene svetopisemske vrstice iz Yibu 20

Deli

“Man’ Yawɛ ŋun nyɛ yi Naawuni ŋɔ n-daa yihi ya Ijipti tiŋgbɔŋ ni na, ka yihi ya dabitim bandi ni. “Miriya ka yi jɛm wun’ shɛŋa pahi n zuɣu.

“Miriya ka yi mali binnani zali bee m-mali binshɛli ŋ-ŋmahindi binshɛli din be zuɣusaa bee tiŋgbani puuni bee binshɛli din be kom puuni. Miriya ka yi damdi binyɛra maa tooni bee n-jɛm binyɛra maa, dama man’ Yawɛ ŋun nyɛ yi Naawuni ŋɔ nyɛla ŋun zabiri nyuli, ka darigiri bihi tibili bɛ banim’ mini bɛ manim’ bɛn je ma taali zuɣu hal zaŋ tabili bɛ yaantibichɛhi gba.

Timiya yi banim’ mini yi manim’ jilima din ni chɛ ka yi mali nyɛvili wɔɣinli m-be Yawɛ ŋun nyɛ yi Naawuni ŋɔ ni zaŋ tiŋgbɔn shɛli tin ya ŋɔ ni.

Teemiya Vuhim Dabisili yɛla, ka chɛ ka di nyɛ dabisili kasi.

“Miriya ka yi booni man’ Yawɛ ŋun nyɛ yi Naawuni ŋɔ yuli yoliyoli, dama ŋunkam booni man’ Yawɛ yuli yoliyoli mali taali man’ Yawɛ sani.

Zaŋmiya daba ayɔbu n-tum yi tuma, amaa dabisi’ shɛli din pahir’ ayopɔin nyɛla Yawɛ ŋun nyɛ yi Naawuni ŋɔ Vuhim Dabisili. Dindali maa di bi simdi ka yi tum tuma, yi bidibisi mini yi bipuɣinsi ni yi tumtumdi’ dɔbba ni paɣiba zaa zaŋ tabili yi biŋkɔbiri hal saan’ so ŋun be yi yiŋ’ gba di tum tuma dindali maa.

“Miriya ka yi chɛ ka yi kɔre kpe yi kpee yili ni. Miriya ka yi mi chɛ ka yi kɔre kpe yi kpee paɣa ni bee o tumtumdi’ dɔbba bee o tumtumdi’ paɣiba ni bee o naɣilalantabili ni bee o buŋ’ ni bee n-chɛ ka yi kɔre kpe yi kpee binshɛli ni.”

“Miriya ka yi di ʒiri shɛhira n-jɛndi yi kpee.

“Miriya ka yi niŋ zina.

“Miriya ka yi ku ninsala.

“Miriya ka yi zu.