Priljubljene svetopisemske vrstice iz Yibu 17

Deli

Musa daa yi zaŋ o nuu duhi zuɣusaa, Izraɛlnim’ nyarila yaa n-tuhiri nyandi Amalɛknim’ maa, o mi daa yi ti zaŋ o nuu siɣisi tiŋa, Amalɛknim’ maa nyarila yaa n-tuhir nyɛndi Izraɛlnim’ maa. Ka Musa bɔɣu daa ti ja, ka bɛ bo kuɣili na ti sɔŋ ka o ʒini di zuɣu, ka Aduna mini Hur daa gub’ gbaag’ o nuhi maa mali. Yino daa ʒiɛla o nudirigu polo, ka ŋun’ la mi ʒe o nuzaa polo, ka o nuhi maa daa kul ʒe tibi hal ka wuntaŋ’ ti lu.

N ni ti zani a tooni Sinai Zoli tampiŋ zuɣu, ka a ti zaŋ a jaaŋgbee maa fiɛbi tampiŋ maa, ka kom yi di ni na ka niriba maa nyu.” Ka Musa daa niŋ lala Izraɛl kpamba maa ninni. Ka Musa daa boli nimaani yuli Masa ni Mɛriba, dama nimaani ka Izraɛlnim’ daa zaŋ o taali, ka daa lan zahim Yawɛ yɛra, “Amii Yawɛ be ti sani bee o kani?”