Priljubljene svetopisemske vrstice iz Sɑn 15

Deli

«Min e tie tiik mɑnŋ, k yinm e tie l yiini. Wun nbɑ gɑɑ n pɑɑk, k n mun be u ni, ŋuɑ e sii luon luɑnɑ bonciɑnn, k mɑɑn mi i kɑɑ i ni, i kɑn fit tun siɑl.

Ii gɑɑ n pɑɑk mɑn, k n sii be i ni. Tiik yiinu kɑn fit lon luɑnɑ u kuukuɑ, sie k u gɑɑ tiik pɑɑk. I mun kɑn fit lon luɑnɑ, sie k i gɑɑ n pɑɑk.

L i tie k i tun gɑɑ n pɑɑk, k n mɑɑn nɑ be i ni, miɑt lin nbɑ kul k i luon, k i sɑɑ lɑ wɑɑ.

Yinm kɑɑ gɑnn’n, ŋɑɑn min e gɑnn’i, k tul’i tuonɑ mɑɑ ii sɑɑ kii luon luɑnɑ bonciɑnn, luɑnɑ nbɑ sii be mɔkmɔk nɑn mɔkmɔk, ɑ n Bɑɑ Yennu n tul’i lin nbɑ k i miɑl’ɔ n sɑnn ni.

Lonjɑɑnsiɑl kɑɑ k gɑl nilɔ n sɑk k gɑɑl u yuɑsnbɑ pɑɑk k kpo.

k u tuu cuɑ yiini kul nbɑ gɑɑ n pɑɑk ŋɑɑn k k luon luɑnɑ nɑ. Ŋɑɑn yiini kul nbɑ ŋɑnin luon luɑnɑ nɑ, u tuu gbɑt gbɑt ŋɑnn e, k lin ŋɑnm k lon luɑnɑ bonciɑnn.

Nɑ e tie n *senni k n senn k tul’i, mɑɑ ii luon i lieb nɑn mɑɑ luon yinm biɑnŋ nbɑ nɑ.

L i tie k i luon luɑnɑ bonciɑnn, ŋɑnn e sɑɑ wɑnn nɑn i set tie n *puolpoweitieb nɑn bɑlmɔni, k n Bɑɑ sɑɑ lɑ dontl.

«Min e tie bɑlmɔni tiik nbɑ k b yi *fiinyɑ nɑ, k n Bɑɑ Yennu tie l ŋɑnmtuɑ

Wun nbɑ k gɑɑ n pɑɑk, u nɑɑn nɑn tiik yiinu nbɑ k b cuɑ’l k lu k l kuol nɑ e. L tiik yiinbuolu e k b tuu tikl k juo muu nɑ.

«N pɑk nɑ k tul’i, ɑ n pɑlpienn i be i ni e, k i pɑlpienn n gbie.

L i tie k i sɑɑk n mɔb, n lonm sii be i ni, nɑn mɑɑ sɑɑk n Bɑɑ mɔb, k u lonm mun be n ni nɑ.»

Lin nbɑ nɑ e k n pɑk senn k tul’i, mɑɑ ii luon i lieb mɑn.

L i bo i tie k i tie tingbounŋ nɑ ŋɑɑk niib i e, tingbounŋ nɑ ŋɑɑtieb bo sii luon’i nɑn bɑɑ luon b mɔnŋ niib biɑnŋ nbɑ nɑ e. Ŋɑɑn n gɑnn’i k nyinn’i tingbounŋ nɑ niib ni wɑɑ, k i ji k tie tingbounŋ nɑ ŋɑɑtieb yɑb. L pɑɑk e tien k b nɑn’i.