Priljubljene svetopisemske vrstice iz 2 Wakorint̯o 4

Deli

Haya hwiyokuyoweeyani si mambo hwiyonaona na matso, ela ni mambo yasiyoonekana. Haya yeyonaonekana na matso nza muḍa t̯u, ela haya yasiyoonekana na matso yanakaa maishi.

Kwa hivyo swiswi ntahufwe mojo. Hat̯a ingawa mii yehu yakusiani mpompowe mpompowe, ela untu wehu wa kiruhu wakumbakwani upfya nsiku ḅaad̯a ya nsiku. Hizi d̯ina hwizokukuntani si d̯ina za muḍa muyeya, na hukiziinganya na haya yadzeyokudza, si d̯ina nkuu za kwambadze. Koro zinahuyehea marembo makuu ya kuishi na Muungu maishi.

Hunakuntiswa d̯ina na kula njia, ela ntahudhimwe; kajela zinahunjia ela ntahufwe mojo. Wantu wanahukuntisa d̯ina, ela Muungu nkanahuyatsa. Myeedha ingine wantu wanahuicha mutsangani, ela ntahufwe.

Swiswi hwaa dza nyungu za haka zizonawekwa nkandi ya kiruhu. Hi inayanga kwamba, hizi nguvu nkuu za hi injili ntaziyawe kwehu, zinayawa kwa Muungu.

Wanadziza kuhikiza kwa kwamba, huyu muungu jwa mazuka ya huju huju lumwengu kawafinikiza hizi akili watseimuka. Ntawawezi kuuona hu muyanga wiwokuwayangaiyani. Huu ni hu muyanga wiwonayavigwa ni haya Maagu Mema dzuu ya marembo ya *Kirist̯o eye dza Muungu mwenye.

Huyu Muungu ambiye, “Nakuyangae muyanga humu kizani,” ndiye jeje ahendezeye muyangawe uhuyangaiye myojoni mwehu. Hu muyanga unahupfa kuyamanya haya marembo ya Muungu, yeyonayangaa humu usoni mwa Kirist̯o.