Priljubljene svetopisemske vrstice iz 1 Watesalonike 4

Deli

Makisa naswi hwiwo mojo, husaiyeo, hudzahwajwa mawinguni pfamodza nao, ili humut̯angere Ḅwana hukuḍe dzuu, na ndookomu hunawa pfamodza nae maishi.

Vinawa hidzaa: Ḅwana mwenye anasuka kuyawa mbinguni, anayavya amuri na saut̯i nkuu. Saut̯i ya huyu malaika mukuu jwa Muungu nayo inasikika na t̯arumbet̯a inabigwa. Na hawaḍe wafwiyeo wakiwa wamuhikiza *Kirist̯o wanafufuka d̯ura.

Na, cha Muungu echonatsaka, ni kwamba, muishi maisha ya udheru na mutsenjia uḅarini. Kula muyume ni had̯i adziyongweeze kudzimiza na t̯amaa za hu mwiiwe, na aishi maisha ya kuhilika na yeyo madheru.

Dza huhikiziyevyo kwamba Yesu kafwa na kafufuka, ndivyo pia huhikiziyevyo kwamba, ngera ya Yesu adzeyokudza mweedha wa pfii, Muungu kadzawahwaa hawaḍe wonse wafwiyeo wakiwa kwamba wamuhikiza Yesu.

Pia, hwakumuyombani mujwanie kuishi maisha ya utuvu, mutsetsumpia kudzingiza-ngiza kwa mambo ya wantu. Na ni mudzihendeye kazi na mikono yenu wenye kudzilachia kantu, dza hwivyomwambia.

Koro Muungu nkakuhuhana huishi maisha ya kuhenda uḅari, ela kahuhana huishi maisha ya udheru.