Priljubljene svetopisemske vrstice iz KENESE, 37

Deli

Na fai le miti a Iosefa, ua faaali i ona uso, ua atili ai ona latou ‘ino‘ino ia te ia.

Sa sili le alofa o Isaraelu ia Iosefa i ona atalii uma, auā na fanau o ia ina o toeaina ia; ua ia fai se ofu talaloa mona.

Ua iloa e ona uso ua sili le alofa o lo latou tamā ia te ia a e itiiti i ona uso uma, ona latou ‘ino‘ino ai lea ia te ia, ma ua le mafai ona tautala filemu ia te ia.

Ua toe fai le tasi ana miti, ua ta‘uina atu ai i ona uso, ua fai atu, Faauta, ua toe fai la‘u miti; faauta foi i le la, ma le masina, ma fetu e sefulu ma le tasi ua latou ifo mai ia te au.

Ua matataua ona uso ia te ia, a o lona tamā ua ia taofi i le upu.

Ua ia fai atu ia te i latou, Faalogologo mai ia i la‘u nei miti. Faauta, sa tatou fusifusia fusi saito i le fanua; faauta foi, na tulai la‘u fusi saito, ua tu lava ia i luga; faauta foi, na siosio i ai a outou fusi saito, ma latou ifo i la‘u fusi saito.

o lenei, o mai ia, ina tatou fasioti ia te ia, ma lafo i se tasi lua, ma tatou faapea ane, Ua ‘aina o ia e se manu feai; ona tatou iloa lea pe iu i ni a ana miti.

Ona o ane lea o tagata Mitiana, o e faatauoa, ona latou sisi lea ma avae ia Iosefa ai le lua, ma latou faatau ia Iosefa i sa Isamaelī i tupe e luafulu; ona latou avatua lea o Iosefa i Aikupito.

Ua fetautalatalai i latou, Faauta, o loo sau lena alii fai miti

Ua latou iloa mamao ia te ia, a o lei latalata o ia ia te i latou, ua latou taupulepule e fasioti ia te ia.

Ua fai atu foi Reupena ia i latou, Aua le faamaligia le toto; tuu ia ia te ia i lenei lua o loo i le vao, a e aua le oo se lima ia te ia. Sa faapea ia, ina ia na laveai ia te ia ai o latou lima, ma faafoi atu ia te ia i lona tamā.