Priljubljene svetopisemske vrstice iz KENESE, 22

Deli

Ona faaigoa ai lea e Aperaamo o lea mea o Ieova-irae; e pei ona fai mai ai i nei ona po, E iloa Ieova i le mauga.

Ona fetalai mai lea o ia, Ia e ave lou atalii, o lou atalii e toatasi, o le ua pele ia te oe, o Isaako lava, ma e alu i le nuu o Moria; ma avatu ia te ia e fai ma taulaga mu i lea mea i le tasi mauga ou te ta‘uina atu ai ia te oe.

Ona fetalai mai lea o ia, Soia le oo lou lima i le tama, aua foi e te fai se mea e tasi ia te ia; auā ua ou iloa nei ua e mata‘u i le Atua, ina ua e le taofia lou atalii, o lou atalii e toatasi, a ua e tuu mai ia te au.

Ona tali mai lea o Aperaamo, Lo‘u atalii e, e au mai e le Atua se tamai mamoe māna e fai a‘i le taulaga mu; ona o faatasi ai lea o i laua.

o le mea lea ou te matuā faamanuia ai ia te oe, ma ou matuā faatoateleina lava lau fanau e pei o fetu o le lagi, e pei o le oneone foi i le matafaga; e maua foi e lau fanau faitotoa o e ita ia i latou; o lau fanau foi e manuia ai atu nuu uma lava o le lalolagi; auā ua e usiusitai i la‘u upu.

Ua mavae ia mea, ona tofotofo lea o le Atua ia Aperaamo, ua faapea mai ia te ia, Aperaamo e; ona tali atu lea o ia, O a‘u lenei.

Ona valaau ifo lea o le agelu a Ieova ia te ia mai le lagi, ua faapea mai, Aperaamo, Aperaamo e; i le ua tali atu o ia, O a‘u lenei.

Ua toe valaau ifo le agelu a Ieova ia Aperaamo mai le lagi, ua faapea mai, O loo faapea a Ieova, Ua ou tauto a‘u ia te au; ua e faia lava lenei mea, ua e le taofia lou atalii, o lou atalii e toatasi

Ua oo atu i laua i le mea na ta‘uina mai ai e le Atua ia te ia; ona faia lea e Aperaamo o le fata faitaulaga i lea mea, ma faaafu le fafie; ua na fusifusi foi lona atalii o Isaako, ma faaee ia te ia i le fata i luga o le fafie.