Priljubljene svetopisemske vrstice iz KENESE, 17

Deli

O le iva sefulu ma le iva o tausaga o Aperamo, na faaali mai ai Ieova ia Aperamo, ua faapea mai foi ia te ia, O a‘u o le Atua e o‘u le malosi uma lava; ia e savali i o‘u luma, ma ia sao lau amio.

E le toe valaauina lou igoa o Aperamo, a o le a igoa oe o Aperaamo, auā ua ou faia oe ma tupuga o nuu e tele.

Ou te faatumauina foi o la ta feagaiga ma oe, ma lau fanau, i a latou tupulaga, pe a mavae atu oe, e fai ma feagaiga e faavavau; ia fai a‘u ma Atua ia te oe ma au fanau pe a mavae atu oe.

O a‘u nei, ou te fai atu, faauta, o ia te i taua le feagaiga, e fai foi oe ma tupuga o nuu e tele.

Ua fetalai mai le Atua, E moni lava, e fanau mai sou atalii ia Sara lau avā, e te faaigoa foi ia te ia o Isaako; ou te faatumauina foi la ma feagaiga ma ia, atoa ma ana fanau, pe a mavae atu o ia, o le feagaiga e faavavau.

Ou te foai foi ia te oe, ma au fanau, pe a mavae atu oe, o le nuu o loo e āumau ai, o le nuu uma lava lea o Kanana, e fai mo latou e faavavau; e fai foi a‘u mo latou Atua.

Ona faapaū fao lea o Aperaamo, ua ‘ata‘ata, ma faapea ifo i lona loto, E fanau mai ea se atalii i le tagata ua selau ona tausaga? O Sara foi e fanau ea ia ua iva sefulu ona tausaga?

Ua faapea mai foi le Atua ia Aperaamo, O Sarai lau avā, aua e te toe valaauia lona igoa o Sarai, a o Sara o lona igoa lea.

Tou te peritomeina foi pa‘u o outou tino, e fai ai foi ma faailoga o la tatou feagaiga ma outou.

A e peitai o la‘u feagaiga ou te faatumauina lea ia Isaako, o le a fanau mai e Sara ia te oe i le faapenei lava i le tausaga atali.

O le ua valu ona po o ia te outou ia peritomeina ia, o tane uma i a outou auga tupulaga; o le ua fanau i le aiga, ma le ua faatauina mai i tupe i tagata ese uma lava, e le o sau fanau ia. Ia peritomeina lava o le ua fanau i lou aiga, ma le ua faatauina i au tupe; e i o outou tino la tatou feagaiga o le feagaiga e faavavau.