Priljubljene svetopisemske vrstice iz โล​มา 3

Deli

เหว่ย หฒุ โม์ว ล่าน เมี่ยน ฒู้ง ป์าม ฒุ์ย, เล่ย ตุ๊ ทิน-ฮู่ง เญย ฌัง-หล่าง โก. มป่า ทิน-ฮู่ง แปะๆ เหธย เอน, หล่ง กี​ตู่ เย​ซู หฒัวะ เมี่ยน หฑวน ฯฒฯ ปุน เมี่ยน เหธา นิ่น หอบ เฮญี้ยว ต้าย.

เหว่ย หฒุ เมี่ยน เสียน เขา เย​ซู กี​ตู่, ทิน-ฮู่ง หธีง ปุน เต้าๆ เสียน นิ่น วั้ว เต๋ย ตุ๊ เหธา นิ่น หอบ เฮญี้ยว. หย่า ไม้ ม่าย หาย เต้า กั้น หญู่ง

ทิน-ฮู่ง จิว เย​ซู โหฒว เหฒี่ย เญย กะน้าย เหว่ย ปุน เมี่ยน เสียน เขา เย​ซู เญย ฑย้าม ฯฒฯ ตุ๊ ทิน-ฮู่ง กวั่ง ฒุ์ย. ทิน-ฮู่ง ฮนั้ง น้าย นอ โหฒว, ปิ๋ว เม่ง นิ่น เซ แป้ง ฟิม เญย. ฒิ่น ด่าง ทิน-ฮู่ง โหฒว เฮญี้ยว ด๊าว, ไม้ แก้ง เฒาะ เมี่ยน เญย ฒุ์ย. มป่า อี้ หฒั่น ทิน-ฮู่ง ปุน ธีง นิ่น แป้ง ฟิม เญย, เหว่ย หฒุ เมี่ยน ป์าม ฒุ์ย มป่า หาย เต้า เสียน เขา เย​ซู กี​ตู่, ทิน-ฮู่ง ปุน วั้ว เต้า เหธา นิ่น หอบ เฮญี้ยว.

เหว่ย หฒุ เอย ทิน-ฮู่ง หมั่ง, ไม้ ม่าย เหยียด เต้า เมี่ยน เหว่ย เอย เจี๊ยน เล์ย-หลัด โหฒว ไฮ่ ตุ๊ เหธา ทิน-ฮู่ง หอบ เฮญี้ยว. เล์ย-หลัด ขูง ปุน เมี่ยน ฮิ้ว ตุ๊ กั้น ม่าย ฒุ์ย ฮนั้ง.

ฮนั้ง กีง-โซว เฟี้ย เจี๊ยน ก๊อง, “ไม้ ม่าย หาย เต้า เหธา ทิน-ฮู่ง หอบ เฮญี้ยว, เหยียด เต้า หย่า ไม้ ม่าย. ไม้ ม่าย หาย เต้า เม่ง แปะ, หย่า ไม้ ม่าย หาย เต้า อ๋อย ล์อ ทิน-ฮู่ง. เต้าๆ ฮวิน ฆาง เล่ย ทิน-ฮู่ง. เหยียด ฒู้ง ฯฒฯ หว่าย เหฑ่ง หมี่ อ๊ะ. ไม้ ม่าย หาย เต้า โหฒว หลง, เหยียด เต้า หย่า ไม้ ม่าย.”

บัว ฮิ้ว ตุ๊ ทิน-ฮู่ง ปุน เมี่ยน เหธา นิ่น หอบ เฮญี้ยว เซ เหว่ย บัว เสียน เขา เย​ซู, ไม้ เฒ์ย เหว่ย เอย เล์ย-หลัด โหฒว.

ไม้ เฒ์ย! ไม้ กุ๊น ลู่ง เดี๊ย เมี่ยน เต้าๆ ก๊อง-แปะ, ทิน-ฮู่ง ขูง ไฮ่ ก๊อง เฒียน ฮนั้ง. ฮนั้ง กีง-โซว เฟี้ย เจี๊ยน ก๊อง, “เม่ย ก๊อง เญย หว่า ปุน ธีง เม่ย หอบ. เม่ย หฒุ เซี้ยม เญย เฒี่ยง โห่ เม่ย หย่า ตุ๊ ฮี่ง.”