Priljubljene svetopisemske vrstice iz โล​มา 14

Deli

เหว่ย หฒุ เมี่ยน หญั่น เญย ฮบ เญย ไม้ เฒ์ย ปุน ธีง ทิน-ฮู่ง โหฒว เฒี้ยว กุ๊น นิ่น บัว. สีง ลี่ง ปุน เมี่ยน โหฒว ตุ๊ หอบ ทิน-ฮู่ง เญย เฮญี้ยว, ตุ๊ แป้ง ออน, หย่า ตุ๊ เฌียน-โย่ว. ต้ง น้าย ปุน ธีง ทิน-ฮู่ง โหฒว เฒี้ยว กุ๊น เมี่ยน. หาย เต้า ฮนั้ง น้าย นอ ฟู-สู กี​ตู่, วั้ว เต้า หอบ ทิน-ฮู่ง เญย เฮญี้ยว. เมี่ยน หย่า เธง นิ่น.

บัว เฒี่ยง เซ เหว่ย เฒี้ยว เฒี่ยง. ไต่ เซ เหว่ย เฒี้ยว ไต่. ฮนั้ง หน่าย, ไม้ กุ๊น บัว นั่ง ไฟ ไต่ บัว เป๋น เฒี้ยว เญย เมี่ยน.

ฮนั้ง หน่าย, บัว โหฒว หาย หญู่ง อ๋อย หฒุ หฒั่นๆ โหฒว เหว่ย ปุน ล่าน เหธา ล่าน แป้ง ออน เญย เยียม, ล่าน เถง ล่าน เหธย เจี์ย ต้าย.

ฮนั้ง หน่าย, ล่าน ไม้ ตู๋ง ตี่ง ล่าน โหฒว ต่อง. ต๋าว หฑวน อ๋อย หฒุ ตี่ง เฮญี้ยว ไม้ โหฒว หาย หญู่ง ปุน เม่ย เญย ก๋อ-โย์ว โหฒว ต่อง ดั๊ว นิ่น ป์าม ฒุ์ย.

เหว่ย หฒุ กีง-โซว ก๊อง, “เฒี้ยว ก๊อง, ‘เยีย เฒี้ยง เจี๊ยน เยีย กั้น เญย แหม่ง แล์ง หว่า ก๊อง, นอมๆ ธี่ง เบาะ อ๋อย เกว่ย เหฌี่ย ป๋าย เยีย. ซูงๆ ฑุ่ย อ๋อย เหญี่ยม เยีย เซ ทิน-ฮู่ง.’” ฮนั้ง หน่าย, บัว เต้าๆ เมี่ยน โหฒว เญย เหยียด ฒู้ง อ๋อย หฒุ ปิ๊น เม่ง บั๋ว ทิน-ฮู่ง.

อ๋อย หฒุ ฒิบ ต้ง เสียน ไม้ เฮ้น เญย เมี่ยน, หย่า ไม้ ตู๋ง แฑง นิ่น เสียน เญย เจ๊า.

เม่ย ต้ง หาย เต้า หธีง ต้าย ไฮ่ ตี่ง กั้น เต้า เญย โปว? นิ่น กั้น เญย เฒี้ยว อ๋อย หฒุ ตี่ง นิ่น โหฒว หอบ ไฟ ไม้ หอบ. นิ่น หย่า โหฒว ตุ๊ หอบ เหว่ย หฒุ เฒี้ยว อ๋อย เถง นิ่น โหฒว.