Priljubljene svetopisemske vrstice iz มัด​ทาย 6

Deli

เก้า หล่ง เจี๊ยน เจี๋ย, เม่ย บัว อ๋อย หฒุ ปุน ทิน-ฮู่ง โหฒว เฒี้ยว กุ๊น เม่ย บัว ด่าง, หย่า อ๋อย หฒุ เอย เหฑ่ง นิ่น เญย เอ๋ย, น้าย เต๋ย เหยียด ฒู้ง เญย กะน้าย นิ่น ฯฒฯ จา ทิบ ปุน เม่ย บัว.

เหว่ย น้าย เม่ย บัว ไม้ ตู๋ง เฑ่า ฌัง ฮนอย เญย สี่. ฌัง ฮนอย เญย สี่ ม่าย เก๋า ฌัง ฮนอย เฑ่า. โม์ว ฮนอย ม่าย โม์ว ฮนอย เญย สี่ เฑ่า เก๋า อ๊ะ.

“เหว่ย น้าย เยีย ก๊อง บั๋ว เม่ย บัว, ไม้ ตู๋ง เหว่ย ยู์ง แหม่ง เญย หญั่น ฮบ ขวน เฮญี้ยว. หย่า ไม้ ตู๋ง เหว่ย ซิน หฒั่ง เญย ลุย-โหว ขวน เฮญี้ยว. แหม่ง เก้า จ๋าย เจี๋ย หญั่น ฮบ ไม้ เฒ์ย? ซิน หย่า เก้า จ๋าย เจี๋ย ลุย-โหว ไม้ เฒ์ย?

เม่ย เต๋า เก๋า เญย เฒี่ยง โห่, อ๋อย หฒุ เปียะ เกน มี่ง, กวน เจี๊ยน แก้ง, เหธา เม่ย หมั่ง ไม้ ปวัด เญย หฒั่ง เตี๋ย ก๊อง หว่า. ฮนั้ง หน่าย, เม่ย เญย หฒั่ง เตี๋ย, ต้ง หมั่ง ปวัด เม่ย เกม เจี๊ยน โหฒว เญย สี่, ฯฒฯ ปุน ฒี่ง เหญ่ย เม่ย อ๊ะ.

“เม่ย บัว หอบ หฒุ ฮนั้ง น้าย นอ เต๋า เก๋า. ‘เยีย บัว เญย ทิน-ต้อง เตี๋ย อ้า! โท้ ปุน เมี่ยน ท่าย เม่ย เญย ธีง-เหฑ่ง บั๋ว. โท้ ปุน เม่ย โหฒว เฒี้ยว กุ๊น เมี่ยน เญย ฮนอย เถา. โท้ ปุน เยียม น้าย ป้าม เกน หญู่งๆ เอย เม่ย เญย เอ๋ย ธ้วด ต้าย, ฮนั้ง เยียม ทิน-ต้อง หญู่งๆ เอย เม่ย เญย เอ๋ย ธ้วด ต้าย นอ.

เยีย บัว ฮนอยๆ เฉียม หฒุ เญย หญั่น ฮบ, โท้ ปุน เก๋า อี้ ฮนอย หญั่น.

โท้ กวั่ง เยีย บัว โหฒว เญย ฒุ์ย, ฮนั้ง เยีย บัว กวั่ง โหฒว ต่อง เยีย บัว วั้ว เต๋ย เมี่ยน เญย ฒุ์ย นอ.

ไม้ ตู๋ง ปุน เยีย บัว ปวั้ง เสย เฮญี้ยว เญย สี่, มป่า เหฌียว เยีย บัว เล่ย ดุ๊ด ฮยวัง เอ๊าะ วั้ว เต้า. เหว่ย หฒุ เม่ย เหยียด ลิ์ว ม่าย ฮู่ง หลี่ง, ม่าย ชะ, ม่าย ฌัง-หล่าง, เถา หม่าน โก๊ว หม่าน ต่อย. อา​เมน.’

“สี ก๊อง เมี่ยน ต่อง เม่ย บัว, เม่ย บัว หย่า กวั่ง ปุน นิ่น บัว นอ, เม่ย บัว เญย ทิน-ต้อง เตี๋ย หย่า กวั่ง เม่ย บัว เญย ฒุ์ย.

หมั่ง ก๋า, ได๋ ด๊าม-ลู่ง เญย เหนาะ! นิ่น บัว ไม้ หฒวัง หาย หญู่ง หย่า ไม้ เซียว ตั๊บ ลั์ม. มป่า เม่ย บัว เญย ทิน-ต้อง เตี๋ย หวุย นิ่น บัว. เม่ย บัว ฒู้ง เก้า จ๋าย เจี๋ย เหนาะ ไม้ เฒ์ย?

“ไม้ ตู๋ง เหว่ย กั้น เซียว จ๋าย เญย กะน้าย เยียม น้าย ป้าม เกน, เหว่ย หฒุ ไฮ่ เจี๋ย เสียว เจี๋ย หฑีง เญย. แกง หย่า ไฮ่ หงาด หว่าย เหฑ่ง. จั๋น-หฒะ หย่า ไฮ่ เป๊ด เปียะ ต้าย หนิ่ม. อ๋อย หฒุ เหว่ย กั้น เซียว จ๋าย เญย กะน้าย เยียม วั้ว ทิน-ต้อง เหว่ย หฒุ ไม้ ไฮ่ เจี๋ย เสียว เจี๋ย หฑีง. แกง หย่า ไม้ ไฮ่ หงาด หว่าย. จั๋น-หฒะ หย่า ไม้ ไฮ่ เป๊ด เปียะ ต้าย หนิ่ม. เม่ย เซียว จ๋าย เญย กะน้าย เยียม หาย นอม ต๋อง, เม่ย เญย เฮญี้ยว หาย หฒั่น หย่า จั๋ง เจี๊ยน วั้ว อ๊ะ.

“ไม้ ม่าย หาย เต้า ไฮ่ โหฒว ตุ๊ อี เต้า เฒี้ยว เญย โปว. ฮนั้ง หน่าย, นิ่น อ๋อย ฑอง น้าย เต้า, อ๋อย ฮนั้ม วั้ว เต้า. ไม้ เฒย แอ๊ะ, นิ่น อ๋อย ท่าย น้าย เต้า, อ๋อย หมั่ง เผีย วั้ว เต้า. เม่ย บัว ไม้ ไฮ่ ต้ง ตั้ง โหฒว ทิน-ฮู่ง เญย โปว หย่า โหฒว ญ่าน เญย โปว.

หล่ม เญย เมี้ย อี้ ฮนอย เฒี่ยง, ฌัง ฮนอย โคว ฆาย, หฒุ โต์ว ปั๊ว, มป่า ทิน-ฮู่ง ฒอง เมี้ย เหฑว่ย. วั้ว หญู่ง, ทิน-ฮู่ง เก้า อ๋อย ฒอง เม่ย บัว ไม้ เฒ์ย? เม่ย บัว เสียน ตุ๊ เฮย ไห่ เว่ะ!

ธ้วด ฟิม เถง เมี่ยน จ่ม เมี่ยน วั้ว หฒั่น, เลี่ยม ไม้ ตู๋ง ปุน เม่ย หฒัวะ เจี๋ย เญย โล์-แกง ต่อย ฮิ้ว. “ฮนั้ง หน่าย, ไม้ ม่าย หาย เต้า ฮิ้ว ตุ๊ เม่ย โหฒว น้าย เต๋ย เจ๊า, มป่า เม่ย เญย หฒั่ง เตี๋ย, ต้ง หมั่ง ตุ๊ ปวัด เม่ย เกม เจี๊ยน โหฒว เญย สี่, ฯฒฯ ปุน ฒี่ง เหญ่ย เม่ย อ๊ะ.

“เม่ย บัว อ๋อย หฒุ ไฝ ฟิม. ทิน-ฮู่ง อ๋อย เม่ย บัว โหฒว เญย คู้ สี่ ไม้ ตู๋ง ตอง หฒวัง โหฒว เหว่ย ปุน เมี่ยน ปวัด. สี ก๊อง เม่ย บัว ตอง หฒวัง โหฒว, เม่ย บัว ไม้ ตุ๊ ฒิบ ทิน-ต้อง เตี๋ย ปุน เญย ฒี่ง เหญ่ย.

“เม่ย บัว เฒย ไม้ หญั่น หาย หญู่ง วั้ว หฒั่น, ไม้ ตู๋ง โหฒว เฮมียน หฮมวัง ฮนั้ง เป้ย หฒะ เฮญี้ยว ฌ้วด เญย เมี่ยน โหฒว. นิ่น บัว โหฒว เฮมียน หฮมวัง ฮนั้ง โค้วๆ วั้ว, อ๋อย หฒวัง เมี่ยน เฒียะ ตุ๊ นิ่น บัว เฒย ไม้ หญั่น หาย หญู่ง. เยีย บั๋ว เฒียน เม่ย บัว, นิ่น บัว เญย ฒี่ง เหญ่ย นิ่น บัว ตุ๊ ฒิบ ลิ์ว อ๊ะ. เม่ย บัว เฒย ไม้ หญั่น หาย หญู่ง เญย เฒี่ยง โห่, อ๋อย หฒุ หฑาว เหฑ่ง เฮมียน, เฒาะ โย่ว ฑ้าด เจี๊ยน บะเปยย ไป่ ซูง เหว่ย ไม้ ปุน เมี่ยน ฮิ้ว ตุ๊ เม่ย เฒย. ขูง เม่ย หมั่ง ไม้ ปวัด เญย หฒั่ง เตี๋ย ฮิ้ว ฮนั้ง. เม่ย เญย หฒั่ง เตี๋ย, ต้ง หมั่ง ตุ๊ ปวัด เม่ย เกม เจี๊ยน โหฒว เญย สี่, ฯฒฯ ปุน ฒี่ง เหญ่ย เม่ย อ๊ะ.