Priljubljene svetopisemske vrstice iz ลู​กา 6

Deli

เม่ย บัว ปุน หาย หญู่ง เมี่ยน, ทิน-ฮู่ง หย่า อ๋อย วิ่น ปุน เม่ย บัว, ฒู้ง อ๋อย โต๋ ปุน เม่ย บัว เก้า ธั้ม, ฒัด ย่วน, ฆั้ม เหฒียด, ฮลาว หนีง เถา เยียม ไม้ เจี๊ยน. เม่ย บัว หล่ง หาย หญู่ง ฮลาว ปุน เมี่ยน, ทิน-ฮู่ง หย่า อ๋อย หล่ง วั้ว หญู่ง ฮลาว ปุน เม่ย บัว.”

คู้ เมี่ยน เญย เฮญี้ยว เซียว หลง เญย กะน้าย, เฒาะ ธ้วด ต้าย เญย เซ หลง เญย. เมี่ยน หว่าย เมี่ยน เญย เฮญี้ยว เซียว หว่าย เญย กะน้าย, เฒาะ ธ้วด ต้าย เซ หว่าย เญย. เฮญี้ยว ฒ่าง ปวั๊ง หาย หญู่ง, ฑุ่ย ฯฒฯ ก๊อง ธ้วด วั้ว หญู่ง.

ต๋าว หฑวน อ๋อย หฒุ ฮนั้ม เม่ย บัว เญย วิน-วั้ง, โหฒว หลง ปุน นิ่น บัว. ก๊า กะน้าย อ๋อย หฒุ ปุน นิ่น บัว หย่า ไม้ ตู๋ง ฮนั้ม แอ๋ง ตุ๊ หฑวน. ฮนั้ง น้าย, เม่ย บัว อ๋อย ตุ๊ ต้ม ฒี่ง เหญ่ย หย่า เป๋น เยียม ฮลัง เจี๋ย วั้ว เต้า เญย ตอน, เหว่ย หฒุ นิ่น โหฒว หลง ปุน ไม้ ม่าย เอน-ฒี่ง เญย เมี่ยน เหธา เมี่ยน หว่าย เมี่ยน.

เม่ย บัว อ๋อย หฒุ ค้อ-เลี่ยน เมี่ยน ฮนั้ง เม่ย บัว เญย หฒั่ง เตี๋ย ค้อ-เลี่ยน เมี่ยน วั้ว นอ.

“ไม้ ตู๋ง ต้าน เมี่ยน, ทิน-ฮู่ง ฯฒฯ ไม้ ต้าน เม่ย บัว. ไม้ ตู๋ง ตี่ง เมี่ยน เญย ฒุ์ย, ทิน-ฮู่ง ฯฒฯ ไม้ ตี่ง เม่ย บัว เญย ฒุ์ย. อ๋อย หฒุ กวั่ง เมี่ยน เญย ฒุ์ย, ทิน-ฮู่ง ฯฒฯ กวั่ง เม่ย บัว เญย ฒุ์ย.

“เยีย บั๋ว เม่ย บัว อี้ หฒั่น หมวัง เจี๊ยน เญย เมี่ยน, อ๋อย หฒุ ฮนั้ม เม่ย บัว เญย วิน-วั้ง, โหฒว หลง ปุน ฑอง เม่ย บัว วั้ว เต๋ย. เมี่ยน เหฒียว เม่ย บัว, อ๋อย หฒุ ปวัง หว่า ปุน นิ่น บัว. โหฒว โตะ เม่ย บัว วั้ว เต๋ย, อ๋อย หฒุ เถง นิ่น บัว เต๋า เก๋า.

เม่ย บัว อ๋อย เมี่ยน ฮนั้ง หาย นอ โหฒว ปุน เม่ย บัว, เม่ย บัว หย่า อ๋อย หฒุ ฮนั้ง วั้ว นอ โหฒว ปุน เมี่ยน.

เมี่ยน เบ๊าะ เม่ย เญย น้าย ปูง เฮมียน, เลี่ยม วั้ว ปูง เฮมียน หย่า ฮวิน ปุน นิ่น. เมี่ยน เฒาะ เม่ย เญย ต้ม ลุย มี่ง, เลี่ยม กะญั์ว วั้ว เต๋ย เซว่ย นิ่น เฒาะ. หาย เต้า โท้ เม่ย เญย หาย หญู่ง, อ๋อย หฒุ ปุน นิ่น. หาย เต้า เฒาะ เม่ย เญย หาย หญู่ง กะน้าย มี่ง หย่า ไม้ ตู๋ง ล์อ หฑวน.

“เดี๋ยง หลง ไม้ เฒี่ยง ไม้ เป๋น เญย เปี๊ยว. ไม้ เป๋น เญย เดี๋ยง หย่า ไม้ เฒี่ยง หลง เญย เปี๊ยว.

ปวัด เปี๊ยว ฯฒฯ ฮิ้ว ตุ๊ เปี๊ยว-เดี๋ยง เซ หาย หญู่ง เดี๋ยง. เมี่ยน ไม้ มี่ง เดี๋ยง-ฌิ้ม แก๊ะ ง่ง หญอ เปี๊ยว, หย่า ไม้ มี่ง ฌิ้ม-เบยาะ แก๊ะ อะหงุ่น เปี๊ยว.