Priljubljene svetopisemske vrstice iz โย​ฮัน 10

Deli

จั๋น-หฒะ ต้าย ขูง อ๋อย หนิ่ม, อ๋อย ไต๋, อ๋อย เหมียด, มป่า เยีย ต้าย เหว่ย ปุน ป้าม เมี่ยน ตุ๊ เฒี่ยง แหม่ง, ฒู้ง อ๋อย ปุน นิ่น บัว ตุ๊ ตุ้น ยุ่น เญย แหม่ง.

“เยีย เซ โก๋ว ปะกี ยู่ง หลง เญย เฒี้ยว. โก๋ว ปะกี ยู่ง หลง วั้ว เต้า หญุ่น เหว่ย ปะกี ยู่ง เซี้ย นิ่น เญย แหม่ง.

เยีย เญย ปะกี ยู่ง หมวัง เยีย เญย เฉีย. เยีย หย่า ฮิ้ว ตุ๊ นิ่น บัว, นิ่น บัว หย่า กัน เจี๊ยน เยีย มี่ง.

เยีย ปุน นิ่น บัว ม่าย เหยียด ลิ์ว เญย แหม่ง, เหยียด ลิ์ว ไม้ หฒุ ไต่. นิ่น บัว เยียม เยีย เญย ปั์ว, ไม้ ม่าย หาย เต้า ไฮ่ ธ้าง ตุ๊ ธ้วด.

เยีย เซ หลาด แก้ง. หาย เต้า ยั่ง เยีย น้าย เต้า แก้ง เปียะ อ๋อย ตุ๊ เหฌียว หย่า เปียะๆ ธ้วดๆ ล์อ หญั่น.

“เยีย เซ โก๋ว ปะกี ยู่ง หลง เญย เฒี้ยว. เยีย ฮิ้ว ตุ๊ เยีย เญย ปะกี ยู่ง, เยีย เญย ปะกี ยู่ง หย่า ฮิ้ว ตุ๊ เยีย

เยีย เญย เตีย เฒาะ นิ่น บัว จิว ปุน เยีย. เตีย หย่า เก้า โฮล เจี๋ย หม่าน หมวด. นิ่น บัว เยียม เยีย เญย เตีย เญย ปั์ว, ไม้ ม่าย หาย เต้า ไฮ่ ธ้าง ตุ๊ ธ้วด. เยีย เหธา เยีย เญย เตีย เป๋น เหยียด เต้า ฮนั้ง.”

ฮนั้ง หฒั่ง เตี๋ย ฮิ้ว ตุ๊ เยีย, เยีย หย่า ฮิ้ว ตุ๊ หฒั่ง เตี๋ย. เยีย หย่า เหว่ย น้าย เต๋ย ยู่ง เซี้ย เยีย เญย แหม่ง.

ไม้ ม่าย หาย เต้า เฒาะ เยีย เญย แหม่ง, เยีย กั้น เซี้ย เยีย เญย แหม่ง. เยีย ม่าย เล์ย เซี้ย เยีย เญย แหม่ง หย่า ม่าย เล์ย แอ๋ง ตุ๊ เยีย เญย แหม่ง หฑวน. เยีย เญย เตีย พ้าย เยีย ฮนั้ง น้าย นอ โหฒว.”

เย​ซู ฯฒฯ แอ๋ง ก๊อง บั๋ว นิ่น บัว, “เยีย ก๊อง เฒียน บั๋ว เม่ย บัว, เยีย เซ น้าย เต๋ย ปะกี ยู่ง เญย หลาด แก้ง.

ธี้ง ต้าย เญย กง-เมี่ยน ไม้ เฒ์ย เฒียน โก๋ว ปะกี ยู่ง เญย เฒี้ยว. ปะกี ยู่ง หย่า ไม้ เฒ์ย นิ่น กั้น เญย. ปวัด เฮยี่ย จู๊ ต้าย ฯฒฯ กวั่ง เจี๊ยน เปย๋า. เฮยี่ย จู๊ ฯฒฯ เป๊ด, แฮะ ปะกี ยู่ง กวั้น เปย๋า หฑาน เหฑ่ง.

เย​ซู ก๊อง, “เยีย ก๊อง เฒียน บั๋ว เม่ย บัว, หาย เต้า เปียะ ปะกี ยู่ง หลาด, ไม้ ยั่ง หลาด แก้ง เปียะ, ขูง ญอง ยั่ง กั้น นอม ต๋อง เปียะ, นิ่น โหฒว จั๋น-หฒะ หนิ่ม ยู่ง, ธ้าง ยู่ง ฮนั้ง.