Priljubljene svetopisemske vrstice iz Mga Taga-Galacia 5

Deli

Apan ang Espiritu naghatag sa gugma, kalipay, kalinaw, pailob, kaluoy, kaayo, pagkamaminatud-on, pagkamapaubsanon ug pagkamapinugnganon sa kaugalingon. Kining mga butanga wala mahisupak sa bisan unsang balaod.

Kini ang akong isulti kaninyo: paharia ang Espiritu sa inyong kinabuhi ug ayaw tumani ang mga tinguha sa lawasnong kaibog.

Ang Espiritu maoy naghatag kanatog kinabuhi busa paharion nato siya sa atong kinabuhi.

Gilansang na diha sa krus sa mga tawo nga iya na ni Cristo Jesus ang mga tawhanong kailibgon ug mga lawasnong pangandoy.

Sayon kaayo pag-ila sa buhat sa tawhanong kinaiya. Makita kini diha sa salawayon nga pakighilawas, hugaw ug hilas nga mga buhat, ingon man sa pagsimba sa mga diosdios ug sa pagpamarang. Makita usab kini sa pagdinumtanay, pagbingkilbingkil, sa kasina, sa kapungot, sa kahakog, sa pagkabahinbahin, pagkamasinahon, pagkapalahubog, pagkamapatuyangon sa lawasnong kaibog ug uban pang mga butang nga sama niini. Busa pasidan-an ko kamo karon sama sa akong gihimo kaniadto: ang magbuhat niining mga butanga walay dapit sa Gingharian sa Dios.

Apan kamo, mga igsoon, gitawag aron makabaton ug kagawasan. Apan ayaw himoang pasangil ang inyong kagawasan aron maghari kaninyo ang lawasnong kaibog. Pag-alagaray hinuon kamo tungod sa gugma.

Kay ang mga tinguha sa lawasnong kaibog supak sa mga tinguha sa Espiritu, ug ang mga tinguha sa Espiritu supak sa lawasnong kaibog. Nagkasumpaki kining duha busa dili kamo makabuhat sa buot unta ninyong buhaton.

Kay ang tibuok Balaod natingob sa usa lamang ka sugo: “Higugmaa ang imong isigkatawo sama sa imong kaugalingon.”

Kinahanglan dili kita magmapagarbohon o magmasuk-anon o magmasinahon sa usag-usa.

Gihatagan na kitag kagawasan ni Cristo. Busa pabilin kamo nga gawasnon ug ayaw na kamo paulipon pag-usab.