Priljubljene svetopisemske vrstice iz 1 Timoteo 2

Deli

Kay may usa lamang ka Dios ug usa lamang ang naghiusa sa Dios ug sa mga tawo. Siya mao ang tawo nga si Cristo Jesus. Gitugyan niya ang iyang kaugalingon aron sa paglukat sa tanang tawo. Kini ang kamatuoran nga luwason sa Dios ang tanang mga tawo sa gitagal nga panahon.

Busa una sa tanan, awhagon ko kamo sa pag-ampo alang sa tanang tawo. Pangayoa gikan sa Dios ang ilang mga gikinahanglan ug pasalamati siya. Kinahanglang iampo ninyo ang mga hari ug ang tanang nagmando aron makabaton kitag mahusay ug malinawong kinabuhi, kinabuhing diosnon ug subay sa hustong pamatasan.

Buot ako nga mag-ampo ang mga lalaki nga anaa sa tanang dapit, mag-ampo nga binayaw ang mga kamot sa walay kasuko o panaglalis. Buot usab ako nga ang mga babaye magmaligdong ug magtinarong sa ilang pagpamisti. Kinahanglang dili sila magpalabig dayandayan sa buhok, o magdayandayan ug mga bulawan o mga perlas o maggamit ug mahalong mga sapot. Hinunoa magbuhat silag maayo nga maoy angay sa mga babaye nga nagpaila nga diosnon.