Priljubljene svetopisemske vrstice iz NUMEROS 13

Deli

Apan gipahilom ni Caleb ang katawhan sa atubangan ni Moises ug siya miingon, “Manungas dayon kita ug panag-iyahon nato kini kay kita makahimo gayod sa pagbuntog niini.”

Ug didto nakita namo ang Nifilim, ang mga kaliwat ni Anak, kaliwat sa mga higanti ug kami sa among pagtan-aw daw mga dulon lamang ug mao usab kami sa ilang pagtan-aw.”

Apan ang mga tawo nga mitungas uban kaniya miingon, “Dili kita makahimo sa pagtungas batok niadto nga katawhan kay sila kusgan pa kay kanato.”

Ug sila nagdala ug daotang taho ngadto sa katawhan sa Israel mahitungod sa yuta nga ilang gipanid-an, nga nag-ingon, “Ang yuta nga among gilatas sa pagpaniid, yuta nga naglamoy sa mga nagpuyo niini ug ang tanang mga tawo nga among nakita didto, mga tawo nga tag-as kaayo.

Ug gisuginlan nila siya, “Miabot kami sa yuta nga imong gipaadtoan kanamo, ang gatas ug dugos nag-agas diha niini ug kini mao ang bunga niini.

Apan ang katawhan nga nagpuyo niadtong yutaa kusgan ug ang mga kalungsoran may mga paril ug dagko kaayo ug gawas pa, nakita namo didto ang mga kaliwat ni Anak.

Ang mga Amalekanhon nagpuyo sa yuta sa Negeb, ug ang mga Hitihanon ug ang mga Jebusihanon ug ang mga Amorihanon nagpuyo diha sa kabungtoran, ug ang mga Canaanhon nagpuyo duol sa dagat ug sa daplin sa Jordan.”

Ug miadto sila kang Moises ug kang Aaron ug sa tibuok nga katilingban sa katawhan sa Israel nga didto sa kamingawan sa Paran, didto sa Cades. Nagdala sila sa taho ngadto kanila ug sa tibuok nga katilingban ug gipakita nila ang bunga sa maong yuta.