Priljubljene svetopisemske vrstice iz GENESIS 9

Deli

Ug miingon ang Dios, “Kini mao ang timaan sa kasabotan nga akong gihimo tali kanako ug kaninyo ug sa tanan nga binuhat nga buhi nga anaa uban kaninyo, alang sa mga kaliwatan nga umaabot. Ang akong bangaw ibutang nako diha sa panganod, ug mahimo kini nga usa ka timaan sa kasabotan tali kanako ug sa yuta.

Sa diha nga ang bangaw anaa sa panganod, tan-awon nako kini aron hinumdoman nako ang kasabotan nga dayon tali sa Dios ug sa tanang binuhat nga buhi, sa tanang matang sa unod nga anaa ibabaw sa yuta.”

Si bisan kinsa nga magpaagas ug dugo sa tawo, pinaagi sa tawo ang iyang dugo paagason, kay gibuhat sa Dios ang tawo sama sa iyang dagway.

Ug gipanalanginan sa Dios si Noe ug ang iyang mga anak, ug miingon kanila, “Sanay kamo ug panaghan, ug pun-a ninyo ang yuta.

Ang tanang butang nga naglihok ug buhi mahimong pagkaon alang kaninyo, ug ingon nga gihatag nako kaninyo ang mga lunhawng tanom, gihatag nako kaninyo ang tanan.

Ang kahadlok ug ang kalisang kaninyo maanaa sa tanang mananap sa yuta ug sa tanan nga langgam sa kalangitan, sa tanan nga nagkamang sa yuta ug sa tanan nga mga isda sa dagat. Nganha sa inyong kamot gitugyan sila.

Pagmabungahon ug panaghan kamo, sanay kamo pag-ayo sa ibabaw sa yuta ug panaghan kamo diha niini.”