Priljubljene svetopisemske vrstice iz GENESIS 32

Deli

Ug siya miingon, “Ang imong ngalan dili na tawgon ug Jacob kondili Israel, kay nakiglayog man ikaw sa Dios ug sa mga tawo ug midaog ikaw.”

Ug siya miingon, “Buhii ako kay banagbanag na.” Apan mitubag kaniya si Jacob, “Dili ko ikaw buhian hangtod nga panalanginan nimo ako.”

Ug nahibilin si Jacob nga nag-inusara, ug dihay tawo nga nakiglayog kaniya hangtod sa pagbanagbanag sa adlaw.

Ug ginganlan ni Jacob kadtong dapita ug Peniel, nga nag-ingon, “Nakita nako ang Dios sa nawong ug nawong ug nagpabilin ako nga buhi.”

Ug sa pagkakita sa tawo nga siya dili makabuntog kang Jacob, gisumbag niya ang tampihak sa iyang bat-ang ug nalisa ang bat-ang ni Jacob samtang siya nakiglayog pa kaniya.

Ug siya miingon kaniya, “Unsay imong ngalan?” Ug siya mitubag, “Si Jacob.”

Ug si Jacob miingon, “Naghangyo ako kanimo, isulti kanako ang imong ngalan.” Apan siya mitubag, “Nganong nangutana man ikaw sa akong ngalan?” Ug didto gipanalanginan niya siya.

ako dili takos sa labing diyotay sa tanang gugmang walay paglubad ug sa tanang pagkamatinumanon nga imong gipakita sa imong sulugoon kay uban lamang sa akong sungkod milabang ako niining Jordan, apan karon nahimo ako nga duha na ka pundok.

Tungod niini hangtod karon, ang mga Israelinhon dili mokaon sa dapidapi kay naigo si Jacob niining bahina sa iyang bat-ang.

Unya miingon si Jacob, “O Dios sa akong amahan nga si Abraham ug Dios sa akong amahan nga si Isaac, O GINOO nga miingon kanako, ‘Balik ngadto sa imong yuta ug sa imong kadugo, ug buhaton nako ang maayo kanimo,’

Luwasa ako, naghangyo ako kanimo, gikan sa kamot sa akong igsoon, gikan sa kamot ni Esau, kay nahadlok ako kaniya, tingali ug moanhi siya ug patyon niya kaming tanan, ang mga inahan uban ang mga anak.