Ug si Jacob naghimo ug usa ka panumpa, nga nag-ingon, “Kon ang Dios mag-uban kanako ug magbantay kanako niining dalana nga akong gilaktan ug maghatag kanako ug kan-onon ug bisti nga isul-ob, ug nga ako makabalik nga malinawon ngadto sa balay sa akong amahan, ang GINOO mahimo nga akong Dios. Unya kining batoha nga akong gipatindog ingon nga usa ka haligi mahimong balay sa Dios. Ug sa tanan nga imong gihatag kanako, ihatag gayod nako ang ikapulo kanimo.”