Priljubljene svetopisemske vrstice iz GENESIS 21

Deli

Ang GINOO miduaw kang Sarah sumala sa gisulti niya ug ang GINOO mibuhat ngadto kang Sarah sumala sa iyang gisaad.

Ug nadungog sa Dios ang tingog sa bata ug ang anghel sa Dios mitawag kang Hagar gikan sa langit, ug miingon kaniya, “Unsay nakapaguol kanimo, Hagar? Ayaw kahadlok, kay ang Dios nakadungog sa tingog sa bata diin atua siya. Tindog, sakwata ang bata ug kupti siya pag-ayo sa imong kamot, kay himoon nako siya nga usa ka dakong nasod.”

Ug nagsamkon si Sarah ug nanganak ug usa ka bata nga lalaki kang Abraham sa tigulang na siya, sa panahon nga gisulti sa Dios kaniya.

Ug si Sarah miingon, “Ang Dios nagpakatawa kanako aron ang tanan nga makadungog magkatawa uban kanako.”

Ug ang Dios miingon kang Abraham, “Ayaw pagsubo tungod sa bata nga lalaki ug tungod sa imong ulipon nga babaye. Ang tanan nga gisulti ni Sarah kanimo himoa kay gikan kang Isaac nganlan ang imong mga kaliwat.

Ug gikan usab sa anak sa ulipon nga babaye himoon nako ang usa ka nasod, tungod kay siya imong kaliwat.”