Priljubljene svetopisemske vrstice iz DEUTERONOMIO 6

Deli

Ug higugmaa ang GINOO nga inyong Dios sa tibuok ninyong kasingkasing, sa tibuok ninyong kalag ug sa tibuok ninyong kusog.

Itudlo ninyo kini sa makugihon ngadto sa inyong mga anak, ug hisgoti ninyo kini sa dihang maglingkod kamo diha sa inyong balay ug sa dihang maglakaw kamo sa dalan ug sa inyong paghigda ug sa inyong pagbangon.

Ug kining mga pulonga nga gisugo nako kaninyo niining adlawa maanaa sa inyong kasingkasing.

“Pamati, O Israel: Ang GINOO nga atong Dios usa ra ka GINOO.

Ihigot ninyo kini sa inyong kamot ingon nga ilhanan ug mahimo kini nga mga timaan sa agtang taliwala sa inyong mga mata.

Ug isulat ninyo kini sa mga haligi sa pultahan sa inyong balay ug sa inyong mga ganghaan.

Kahadloki ninyo ang GINOO nga inyong Dios. Pag-alagad kamo kaniya ug panumpa pinaagi sa iyang ngalan.

“Ug sa diha nga ang GINOO nga inyong Dios magdala kaninyo ngadto sa yuta nga gipanumpa niya ngadto sa inyong katigulangan, kang Abraham, kang Isaac ug kang Jacob, aron ihatag kaninyo, uban ang dagko ug matahom nga mga siyudad nga wala ninyo tukora ug mga balay nga puno sa tanang maayong butang nga wala ninyo pun-a ug mga atabay nga kinalot nga wala ninyo kalota ug mga kaparasan ug kaolibohan nga wala ninyo itanom. Ug sa dihang mangaon kamo ug mabusog, pagbantay kamo kay tingali unya ug makalimot kamo sa GINOO nga nagpagula kaninyo gikan sa yuta sa Ehipto, gikan sa balay sa kaulipnan.

“Karon mao kini ang kasugoan, ang mga lagda, ug mga tulumanon nga gisugo kanako sa GINOO nga inyong Dios nga itudlo kaninyo aron buhaton ninyo kini didto sa yuta nga inyong adtoan aron sa pagpanag-iya niini, aron mahadlok kamo sa GINOO nga iyong Dios, kamo ug ang inyong mga anak ug ang mga anak sa inyong mga anak, pinaagi sa pagtuman sa tanan niyang mga lagda ug sa iyang mga sugo nga akong gisugo kaninyo, sa tanang mga adlaw sa inyong kinabuhi ug aron ang inyong mga adlaw malugwayan pa.

Ug buhata ninyo ang matarong ug ang maayo diha sa panan-aw sa GINOO aron mamaayo ang inyong kahimtang ug nga aron makasulod kamo ug makapanag-iya sa yuta nga maayo nga gipanumpa sa GINOO ngadto sa inyong katigulangan

Kay ang GINOO nga iyong Dios sa taliwala ninyo abubhoan nga Dios. Tingali unya ug ang kapungot sa GINOO nga inyong Dios mosilaob batok kaninyo ug siya maglaglag kaninyo gikan sa nawong sa yuta.

Ayaw kamo pagsunod sa nagkalainlaing mga diosdios, sa mga diosdios sa mga katawhan nga naglibot kaninyo.

“Ayaw ninyo sulayi ang GINOO nga inyong Dios sama sa inyong pagsulay kaniya didto sa Masa.