Priljubljene svetopisemske vrstice iz DEUTERONOMIO 4

Deli

Apan gikan didto mangita kamo sa GINOO nga inyong Dios ug makakaplag kamo kaniya kon mangita kamo kaniya sa tibuok ninyong kasingkasing ug sa tibuok ninyong kalag.

kay ang GINOO nga inyong Dios maluluy-on nga Dios. Dili siya mopakyas kaninyo o molaglag kaninyo o malimot sa iyang kasabotan uban sa inyong mga katigulangan nga iyang gipanumpa kanila.

Kay ang GINOO nga inyong Dios mao ang kalayo nga nag-ut-ot, usa ka Dios nga abubhoan.

“Pagmatngon lamang ug ampingi pag-ayo ang inyong kalag kay tingali unya ug malimot kamo sa mga butang nga nakita sa inyong mga mata, ug tingali unya ug mobulag sila sa inyong kasingkasing sa tanang mga adlaw sa inyong kinabuhi. Ipahibalo kini sa imong mga anak ug sa mga anak sa imong mga anak

busa hibaloi ninyo niining adlawa ug ipahiluna sa inyong kasingkasing nga ang GINOO mao ang Dios sa langit sa itaas ug dinhi sa yuta sa ubos; wala nay lain.

Kay unsa ba nga dakong nasod nga adunay usa ka dios nga duol gayod kanila nga sama sa GINOO nga atong Dios nganhi kanato, sa diha nga magsangpit kita kaniya?

Sa diha nga anaa kamo sa kalisdanan ug modangat kaninyo kining tanang mga butang sa ulahing mga adlaw, mobalik kamo sa GINOO nga inyong Dios ug motuman sa iyang tingog

Ayaw ninyo dugangi ang pulong nga akong gisugo kaninyo, ayaw kini kuhai aron matuman ninyo ang kasugoan sa GINOO nga inyong Dios nga akong gisugo kaninyo.