Priljubljene svetopisemske vrstice iz Mt 28

Deli

Əne mbə̀ wo əmbɨ ə bə̂d mɨ̀jìm ɨŋga ɨbeŋ jìm, ghɨ̀ ni mbɨ yeʼ mbɨ mə̀mə̀ə̀nɨ̀-ɨnû. Mbə̀ nàʼ mɨnib əmbɨ mɨ̀mə̌d ənɨ ɨkum Mbǎʼ, ənɨ wɨ Wan bə̀ fɔrɨ ənɨ wɨ Əzwî ə Zeŋɨ. Mbə̀ chwi əmbɨ mɨ̀mə̌d ni mbɨ nuŋ rɨkə rɨjìm te nɨ mə̀ fə naʼ ɨ nən. Mbə̀ kyerɨ ni mə wɨ mbɨ nən ɨghəm jìm wò pè ənɨ ɨsɨg bɨrɨ nwìə̀.”

Yeso nyaʼa wò əsɨ mɨ̀mə̌d pè ghà ni, “Ŋwìə̀ fə nàʼ ɨka jìm ɨ num ni mə̀ tumbɨ ɨkaŋ fɔrɨ si.

Àyɨə aŋgɨrə̀ we nyaʼa ghà əmbɨ məyi mbe ni, “Tɨ mbə̀ bɔ ə. Mə kyerɨ ni mbə mbɨə kə̀b ə Yeso we nɨ mbɨ nyaʼa kombɨ əzed ə baʼnɨ. Chəi məd əgha. Wɨ̀ fə zwemə àmei ɨchî nɨ wɨ̀ nyaʼa gha ɨ nən. Mbə̀ yeʼe zə əsɨ ze nɨ mbɨ kəʼ boŋ əməd əŋgu.

Yeso nyaʼa ghà əmbɨ mɨ̀mə̌d ni, “Tɨ mbə̀ bɔ ə. Mbə̀ wo ghà əmbɨ mbɨ bɔŋgɔb ni mbɨ wo ə Galiliî. Mbɨ bɨrɨ zə əmɨ əŋgu.”

Ənɨ bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ nyaʼa fetɨ, mbɨ nyaʼa taŋ ənû nɨ mbɨ bɨrɨ ghɨ̀. Mbɨ nyaʼa taŋ əne, nàʼ ɨkab nɔnɔʼ əmbɨ mɨ̀sɔgyɨ̀ mbe, ghà ni, “Mbə ghà əmbɨ ə bə̂d ni, 'Mə̀mə̀ə̀nɨ̀-ɨnû ɨməd kə̀ʼ yeʼe jɨ əvɨ əməd ɨzimɨ ənɨ tɨə kə̀ʼə̀ gwenə.' Kaʼ gɔmnà bè zu i, tɨ̀ bɨrɨ kyerɨ ənû nɨ gha ɨ bɔ, əne chɨ̀ əwən rəŋgəʼ.” Mɨ̀sɔgyɨ̀ mbe nyaʼa nɨŋ ɨkab we wò ghɨ̀ àmei ɨchî nɨ mbɨ nyaʼa ghà əmbɨ mɨ̀mə̌d. Əzɔ̂ yɨ ənû ze nɨ fə jaŋ əkaʼ mɨ̀Jû yeʼe pè rə̀chɔ̀ŋ.