Priljubljene svetopisemske vrstice iz Māteo 8

Deli

He pāhono e Ietū: —¿He aha rā kōrua e riꞌa-riꞌa ena, e te nuꞌu taꞌe haka moe riva-riva i te manaꞌu ꞌi ruŋa i a au ē? I kī era i rā meꞌe, he eꞌa ki ruŋa, e tahi nō reꞌo i kī ai ki te tokerau ꞌe ki te vaikava; he noho te tokerau ꞌe he māria rō ꞌai te vaikava.

He kī e tū kape era: —E Ietū, ¿ko ai a au mo uru atu ōꞌou ki roto i tōꞌoku hare? Ka kī nō koe i taꞌa vānaŋa ꞌe he ora rō ꞌai tōꞌoku tāvini.

I ŋaroꞌa era e Ietū i tū meꞌe era he māere rō atu ꞌai, ꞌe he kī ki te nuꞌu oho ꞌi muri i a ia: —Te parautiꞌa, kai piri mai ꞌana e tahi taŋata o Itaraera haka moe i tōꞌona manaꞌu ꞌi ruŋa i a au pa he taŋata nei.

I oti era he kī e Ietū ki tū kape rōmano era: —Ka oho koe ki tuꞌu hare, ꞌe ka ai pa he meꞌe haka moe ena e koe i te manaꞌu. ꞌI tū hora mau era ꞌana he ora rō ꞌai tū tāvini era.

He māere tū nuꞌu era ꞌe he ꞌui ki a rāua ꞌā: —¿Ko ai mau te kope nei? ¡ꞌĀtā te tokerau ꞌe te pari e haꞌatura ki a ia!