Priljubljene svetopisemske vrstice iz Матта 28

Deli

Гьаци вуйиган, душну, Адашдин, Балин ва Гирами Рюгьнан ччвурнахъан штуан апӀури, вари миллетарикан Йиз ученикар апӀинай. Дурариз Узу учвуз табшурмиш гъапӀкьандар вари кӀули гъахуз улупай. Хъа Узу, гъиямат йигъ хьайизкьан, гьаммишан учвухъди хьидиза.

Багахьна дуфну, Исайи дурариз гъапи: – Узуз завариин ва жилариин вари гьюкум тувназуз.

Малайикди, чӀалниина дуфну, дишагьлийириз гъапи: – ГучӀ мапӀанай, учву дариз гъизигу Иса агури дуфнайиб аьгъязуз. Амма Думу мушваъ имдар. Думу, Чав гъапиганси, чӀиви гъахьну. Багахь духьну, Думу дитну гъахьи йишваз лигай.

Гьадмуган Исайи дурариз кӀуру: – ГучӀ мапӀанай. Душну, Йиз гъардшариз, Галилейиз гъарахай, кӀуру хабар тувай, душваъ дурариз Узу рякъиди.

Мурарира, аьхюдарихъди сатӀиди мясляаьт дапӀну, эскрариз бегьемди пул тувру ва кӀуру: – Варидариз йипайки: «Йишвну, учу даахну имиди, Дугъан ученикар дуфну, Думу жин дапӀну гъурхну». Нагагь му хабар гьюкумдрихьна хъубкьиш, учу учвуз гаф дяргъруганси апӀидича. Дурари, пул гъадабгъну, чпиз гъапибси гъапӀнийи. Хъа гьаму аваза жугьдарин арайиъ гъира дарабгъну ими.