Priljubljene svetopisemske vrstice iz Эвел 12

Deli

Хъа Узу увкан зурба халкь артмиш апӀидиза. Ужувлакк ккаъдизаву. Яв ччвур адлу апӀидиза, ва увлантина варидариз ужʼвал хьибди. Увуз ужʼвал ккун апӀрудар Узу ужувлакк ккаъдиза, хъа увуз чӀуруб ккун апӀрудар балайикк ккитдиза. Увлантина дюнʼяйин вари халкьариз ужʼвал хьибди!

РАББИЙИ Ибрамдиз кӀуру: – Яв ругарилан улдучӀвну, яв тухмихьан гьудучӀвну, яв адашдин хулʼан, Узу увуз улупру ругариинна гъарах.

РАББИЙИ гьамци гъаписи, Ибрам удучӀвну гъягъюру. Дугъахъди – Лутра. Харрандиан удучӀвруган, Ибрамдин ургцӀурна хьуд йис вуйи.

РАББИ Ибрамдиз ачмиш шулу ва Дугъу кӀуру: «Яв наслариз Узу гьаму жил тувдиза». Ибрамди душваъ чаз ашкар гъахьи РАББИЙИЗ гъурбан апӀрушв тикмиш апӀуру.