Priljubljene svetopisemske vrstice iz Ko fɔlɔfɔlɛ 24

Deli

A ka Ala mataran, a ko: «Alatala, n tige Iburahima la Ala, n bata i táran, n be kila min kunma bi, i ni wo ladiya i ni hinnɛ n tige Iburahima la.

N si naa a fɔ den museren dɔndɔ ye a ni a la dunbe lajigi a ni n kɔ je la, n ni a min. Ka a tagata taran, wo ka n jaabi a ka a fɔ, a ko: ‹A min, n ni i la ɲɔgɔmɛnu tugun kɔ›, wo den musereŋɛ le si naa ma i la jon kaye Isiyaka la muse la. I ka mamasubɛ min ma, n si a lɔn de wo tɔ ka a fɔla i bata hinnɛ n tige Iburahima la.»

Isiyaka ka Rebeka doni a nɛɛnɛ la tanta tɔ. A ka Rebeka jigan, a mata a la muse la. Isiyaka ka a kanu. A mata sabu la, wo ka nɛɛnɛ sɔgɛ bɔɔ Isiyaka ma, a nɛɛnɛ la fagareŋɛ kɔma.

Rebeka la mɔgɛnu dubata a ye, anu ko: «Mɔ barenmuse, Ala mu a mala i bɔnsɛ ni siya a ni ma mɔgɔ wulu siyama siyama la. I bɔnsɛ ni nɔ sɔtɔ mɔgɛnu ma, minnu be i kɔnna.»

I ni i kali n ɲɛ Alatala la, Ala min mu saŋɛ nun duge tige la. N be sigiren Kanana kaanu tɛma yan bi. Kɔnɔ i kana anu la den museren yo futu n na den kayireŋɛ ye, a ni ma a la muse la. I ni taga n baaba bata saa tɔ, i ni den musereŋɛ futu n na den kayireŋɛ Isiyaka ye n bareŋɛnu tɛma.»