Priljubljene svetopisemske vrstice iz Čơdơ̆ng Phŭn 22

Deli

Abraham pơanăn anih anŭn jing “Yêhôwa pha brơi” Yua kơ anŭn yơh, hrơi anai arăng ăt dŏ laĭ: “Ƀơi čư̆ Yêhôwa, tơlơi anŭn či dưi hmâo tơlơi pha brơi.”

Ơi Adai laĭ: “Mă bĕ ană ih, ană ih hmâo kơnơ̆ng sa čô, Isak, pô ih khăp biă mă, nao pơ lŏn Môria. Pơ anŭn, ih či pơyơr ană ih ngă mơnơ̆ng ngă yang čuh ƀơi sa boh čư̆ kâo črâo brơi kơ ih.”

Ling jang laĭ: “Anăm pơruă ană anŭn ôh laih anŭn ăt kŏn dưi ngă hơgĕt gĕt kơ ñu lơi. Ră anai, Kâo thâo sĭt ih hwĭ pơpŭ kơ Ơi Adai hăng abih pran jua yua kơ ih ƀu hơ-ưi ôh ană ih kơ Kâo, wơ̆t dah ih kơnơ̆ng hmâo sa čô ană đôč.”

Abraham laĭ: “Ơ ană! Ơi Adai pô yơh či pha brơi ană triu kơ tơlơi pơyơr čuh anŭn.” Giơ̆ng anŭn abih dua gơñu rơbat nao dơ̆ng.

Kâo či tuh tơlơi mơyun hiam rơbeh blai kơ ih, ngă brơi kơnŭng djuai ih lu kar ƀing pơtŭ amăng adai, lu kar čuah ƀơi hang ia rơsĭ, laih anŭn kơnŭng djuai ih či pơblah dưi hĭ hăng ƀing ayăt gơñu. Abih bang kơnŭng djuai ƀơi lŏn tơnah leng kơ či kơnang mơ̆ng kơnŭng djuai ih kiăng dưi hmâo tơlơi mơyun hiam, yua kơ ih hmâo gưt tui laih hiăp Kâo pơtăn.”

Tơdơi kơ khul bruă anŭn, Ơi Adai lông lăng Abraham. Ñu iâu: “Abraham!” Abraham laĭ glaĭ: “Ơ, kâo pơ anai.”

Samơ̆ ling jang Yêhôwa mơ̆ng adai iâu ñu: “Abraham, Abraham!” Ñu laĭ glaĭ: “Hmâo kâo pơ anai.”

Ling jang Yêhôwa mơ̆ng adai iâu Abraham tal dua laih anŭn laĭ: “Yêhôwa laĭ: Yua kơ ih hmâo ngă laih tơlơi anai, ƀu hơ-ưi ôh ană ih, wơ̆t dah ñu jing ană ih hmâo kơnơ̆ng sa čô, hnŭn yơh Kâo mă Kâo pô kiăng ƀuăn rơ̆ng tui anai

Tơ truh laih pơ anih Ơi Adai hmâo pơkă brơi, Abraham pơdơ̆ng sa boh kơƀang ngă yang pơ anih anŭn, dăp đĭ djuh laih anŭn čăp hĭ Isak ană ñu. Ñu pơđih Isak gah ngŏ kơ djuh ƀơi kơƀang ngă yang.