Popular Bible Verses from LUKA 12

Share

Nanning mah raeringkute um oh; pawccecize na tua khyh oh ccyh lyakhe Ccungccaw Ccapaw tuh yn thua cih,” a cipya hae.

Pachia peenaw kha ccung oh lah, e uccaw hae tuh pyachih na thua cih oh.

Jesu nynh, “Karankunaw aphuinphuin kha raeringkuh oh lah sibia oh; pawccecize ccungccaw lu kheit hiinnaw tuh a hoipaw uccaw patae kyakhe um khyh,” a cipya hae.

Pawccecize nae sisua umnaw kya nae thinlung mah a umbua cih.

Nanning lakuze hummou a lungvawsawnaw liate a hiinnaw ccyh kha ccapyh san a saesakuh khopaw a um?

Jesu nynh a zuitu hae kha, “Tukeiccuze kae hopya oh, pawmou ka ae cih cite thuasah, nae pyn hanlan paw boeining mou ka lawkuh cih cite thuasah nae hiinnaw hanlan nae lungvawsaw nan sah.

Nae lu kya-e nae sangrua heize marya ria athua. Tukeiccuze rih nan oh; nanning tuh rithya hae patae laeze na sunghua oh.

“Tuuphu taraw hae, rih nan oh; pawccecize peenaw kha nanning pya lanpaw tuh nae Paaw a lungrypaw nynh thua.

Va-aw hae kha tuatua oh: minmin tuh ccacii vuakuh khyh hae zah looh mah rue khyh hae, sisuainn thuasah, byng thuasah hoi khyh hae, thuasalama Pachia nynh minmin kha looh a dang hae, nanning tuh pavaw hae laeze patae na sunghua oh khaw!

Pawmou kae ae cih, pawmou kae neih cih cite ccung nan oh; lungriathaete mah um nan oh.

Tukeiccuze, pou zyn zya hae, atunin hiin zah awkhualan takuamaee lungkhu lang phung athuapaw ramkaw e lonua kha heize Pachia nynh tuhte a ccaan lanze, nanning kha tuh-e laeze houh ae ccaan lan khyh oh tou!

Pawccecize alangkuh lei lante thuruhpaw miakaw kha langsah athua cih zah, khongpaw miakaw kha hungpya athua cih.