Priljubljene svetopisemske vrstice iz ꠔꠃꠞꠣꠔ ১: ꠙꠄꠖꠣ ꠘꠣꠝꠣ 24

Deli

ꠕꠁꠀ ꠅꠃ ꠖꠥꠀ ꠇꠞꠟꠣ, “ꠅ ꠝꠣꠛꠥꠖ, ꠀꠝꠣꠞ ꠝꠥꠘꠤꠛ ꠁꠛ꠆ꠞꠣꠢꠤꠝꠞ ꠀꠟ꠆ꠟꠣ, ꠀꠞꠎ ꠇꠞꠤ, ꠀꠁꠎ ꠀꠝꠣꠞ ꠍꠣꠝꠘꠦ ꠇꠣꠝꠤꠀꠛꠤ ꠎꠣꠁꠞ ꠇꠞꠅ, ꠀꠞ ꠀꠝꠣꠞ ꠝꠥꠘꠤꠛ ꠁꠛ꠆ꠞꠣꠢꠤꠝꠞꠦ ꠝꠦꠢꠦꠞꠛꠣꠘꠤ ꠇꠞꠅ।

ꠔꠦ ꠅꠃ ꠙꠥꠠꠤꠘ꠆ꠔꠞ ꠝꠣꠎꠦ ꠀꠝꠤ ꠎꠣꠞꠦ ꠇꠁꠝꠥ, ‘ꠀꠙꠘꠣꠞ ꠈꠂꠟꠣ ꠟꠣꠝꠣꠁꠀ ꠀꠝꠣꠞꠦ ꠕꠥꠠꠣ ꠙꠣꠘꠤ ꠈꠣꠅꠀꠃꠇ꠆ꠇꠣ’, ꠄꠞ ꠎꠥꠀꠙꠦ ꠎꠥꠖꠤ ꠢꠃ ꠙꠥꠠꠤꠄ ꠇꠂꠘ, ‘ꠀꠙꠘꠦ ꠙꠣꠘꠤ ꠈꠣꠃꠇ꠆ꠇꠣ ꠀꠞ ꠀꠙꠘꠣꠞ ꠃꠐ ꠅꠇꠟꠞꠦꠅ ꠀꠝꠤ ꠙꠣꠘꠤ ꠈꠣꠅꠀꠁꠝꠥ’ ꠔꠣꠁꠟꠦ ꠅꠃ ꠙꠥꠠꠤꠃ ꠎꠣꠘꠥ ꠔꠥꠝꠣꠞ ꠉꠥꠟꠣꠝ ꠁꠍꠢꠣꠇꠞ ꠟꠣꠉꠤ ꠔꠥꠝꠣꠞ ꠙꠍꠘ꠆ꠖꠞ ꠙꠥꠠꠤ ꠅꠁꠘ। ꠔꠦꠃ ꠀꠝꠤ ꠛꠥꠎꠝꠥ, ꠔꠥꠝꠤ ꠀꠝꠣꠞ ꠝꠥꠘꠤꠛꠞꠦ ꠝꠦꠢꠦꠞꠛꠣꠘꠤ ꠇꠞꠟꠣꠄ।”

ꠁꠍꠢꠣꠇꠦ ꠔꠣꠘ ꠝꠣ ꠛꠤꠛꠤ ꠍꠣꠄꠞꠣꠞ ꠔꠣꠝ꠆ꠛꠥꠔ ꠞꠦꠛꠦꠇꠣꠞꠦ ꠟꠁꠀ ꠉꠤꠀ ꠔꠣꠘꠦ ꠛꠤꠀ ꠇꠞꠟꠣ। ꠀꠞ ꠔꠣꠘꠞꠦ ꠝꠣꠄꠀ ꠇꠞꠟꠣ। ꠔꠣꠘ ꠝꠣʼꠞ ꠝꠃꠔꠞ ꠛꠣꠖꠦ, ꠞꠦꠛꠦꠇꠣꠞ ꠝꠣꠄꠀꠄꠃ ꠔꠣꠘ ꠎꠣꠘꠅ ꠡꠣꠘ꠆ꠔꠤ ꠙꠣꠁꠍꠟꠣ।

ꠀꠞ ꠞꠦꠛꠦꠇꠣꠞꠦ ꠖꠥꠀ ꠇꠞꠤꠀ ꠇꠁꠟꠣ, “ꠛꠁꠘ ꠉ, ꠔꠥꠝꠤ ꠟꠣꠈ ꠟꠣꠈ ꠀꠅꠟꠣꠖꠞ ꠝꠣ ꠅꠅ। ꠔꠥꠝꠣꠞ ꠀꠅꠟꠣꠖꠦ ꠖꠥꠡꠝꠘ ꠅꠇꠟꠞꠦ ꠊꠣꠁꠟ ꠇꠞꠃꠇ।”

ꠀꠝꠤ ꠔꠥꠝꠣꠞꠦ ꠀꠍꠝꠣꠘ-ꠎꠝꠤꠘꠞ ꠝꠣꠟꠤꠇ ꠀꠟ꠆ꠟꠣ ꠝꠣꠛꠥꠖꠞ ꠘꠣꠝꠦ ꠇꠍꠝ ꠇꠞꠣꠁꠀꠞ, ꠀꠝꠤ ꠎꠦ ꠇꠦꠘꠣꠘꠤ ꠅꠇꠟꠞ ꠝꠣꠎꠦ ꠕꠣꠇꠤꠀꠞ, ꠔꠣꠞꠣꠞ ꠇꠥꠘꠥ ꠙꠥꠠꠤꠞꠦ ꠀꠝꠣꠞ ꠙꠥꠀꠞ ꠛꠃ ꠛꠣꠘꠣꠁꠀ ꠔꠥꠝꠤ ꠀꠘꠤꠅ ꠘꠣ। ꠔꠥꠝꠤ ꠀꠝꠣꠞ ꠖꠦꠡꠅ ꠉꠤꠀ, ꠀꠝꠣꠞ ꠙꠥꠀ ꠁꠍꠢꠣꠇꠞ ꠟꠣꠉꠤ ꠀꠝꠣꠞ ꠈꠦꠡ-ꠇꠥꠐꠥꠝꠞ ꠝꠣꠎ ꠕꠣꠇꠤ ꠄꠉꠥ ꠇꠁꠘꠣ ꠌꠣꠁꠀ ꠀꠘꠛꠣꠄ।”