Priljubljene svetopisemske vrstice iz ꠔꠃꠞꠣꠔ ১: ꠙꠄꠖꠣ ꠘꠣꠝꠣ 21

Deli

ꠝꠣꠛꠥꠖꠦ ꠔꠣꠘ ꠇꠣꠟꠣꠝ ꠝꠥꠔꠣꠛꠦꠇ ꠛꠤꠛꠤ ꠍꠣꠄꠞꠣꠞꠦ ꠢꠦꠚꠣꠎꠔ ꠇꠞꠟꠣ, ꠔꠣꠁꠘ ꠎꠦꠟꠣ ꠅꠀꠖꠣ ꠇꠞꠍꠟꠣ, ꠅꠟꠣꠃ ꠇꠞꠟꠣ।

ꠙꠥꠀꠉꠥꠞ ꠇꠣꠘ꠆ꠖꠘ ꠀꠟ꠆ꠟꠣꠄ ꠢꠥꠘꠟꠣ, ꠀꠞ ꠀꠟ꠆ꠟꠣꠞ ꠚꠤꠞꠤꠡ꠆ꠔꠣꠄ ꠀꠍꠝꠣꠘ ꠕꠘꠦ ꠒꠣꠇꠤꠀ ꠢꠣꠎꠦꠞꠣꠞꠦ ꠇꠁꠟꠣ, “ꠢꠣꠎꠦꠞꠣ, ꠅ ꠢꠣꠎꠦꠞꠣ, ꠔꠥꠝꠣꠞ ꠇꠤꠔꠣ ꠅꠁꠍꠦ? ꠒꠞꠣꠁꠅ ꠘꠣ, ꠙꠥꠀꠉꠥ ꠎꠦꠘꠅ ꠀꠍꠦ, ꠢꠘ ꠕꠣꠇꠤꠃ ꠔꠣꠞ ꠇꠣꠘ꠆ꠖꠘ ꠀꠟ꠆ꠟꠣꠄ ꠢꠥꠘꠍꠂꠘ। ꠔꠥꠝꠤ ꠃꠑꠤꠀ ꠙꠥꠀꠉꠥꠞ ꠀꠔꠅ ꠗꠞꠅ, ꠀꠝꠤ ꠔꠣꠞꠦꠖꠤ ꠄꠇ ꠛꠤꠞꠣꠐ ꠎꠣꠔꠤ ꠙꠄꠖꠣ ꠇꠞꠝꠥ।”

ꠀꠞ ꠛꠤꠛꠤ ꠍꠣꠄꠞꠣꠞ ꠙꠦꠐꠅ ꠢꠥꠞꠥꠔ꠆ꠔꠣ ꠀꠁꠟ। ꠀꠟ꠆ꠟꠣꠄ ꠎꠦ ꠡꠝꠄꠇꠥꠞ ꠇꠕꠣ ꠇꠁꠍꠟꠣ, ꠢꠃ ꠡꠝꠄꠄꠃ ꠁꠛ꠆ꠞꠣꠢꠤꠝꠞ ꠝꠥꠞꠛ꠆ꠛꠤ ꠛꠄꠅꠡꠅ ꠔꠣꠘ ꠙꠥꠀꠞ ꠎꠘꠝ ꠅꠁꠟ।

ꠛꠤꠛꠤ ꠍꠣꠄꠞꠣꠄ ꠇꠁꠟꠣ, “ꠀꠟ꠆ꠟꠣꠄ ꠀꠝꠣꠞ ꠝꠥꠈꠅ ꠀꠡꠤ ꠛꠣꠞ ꠇꠞꠟꠣ, ꠀꠞ ꠁꠔꠣ ꠎꠦ ꠢꠥꠘꠛ, ꠢꠦ-ꠅ ꠀꠝꠣꠞ ꠟꠉꠦ ꠀꠡꠤꠛ।”

ꠅꠃ ꠀꠟ꠆ꠟꠣꠄ ꠔꠣꠘꠞꠦ ꠇꠁꠟꠣ, “ꠔꠥꠝꠣꠞ ꠛꠣꠘ꠆ꠖꠤ ꠀꠞ ꠔꠣꠁꠞ ꠙꠥꠀꠞ ꠟꠣꠉꠤ ꠔꠥꠝꠤ ꠛꠦꠎꠣꠞ ꠅꠁꠅ ꠘꠣ। ꠍꠣꠄꠞꠣꠄ ꠎꠦꠟꠣ ꠔꠥꠝꠣꠞꠦ ꠇꠁꠍꠦ ꠅꠃꠟꠣ ꠇꠞꠅ, ꠇꠣꠞꠘ ꠔꠥꠝꠣꠞ ꠙꠥꠀ ꠁꠍꠢꠣꠇꠞ ꠈꠣꠘ꠆ꠖꠣꠘꠞꠦꠃ ꠔꠥꠝꠣꠞ ꠈꠣꠘ꠆ꠖꠣꠘ ꠇꠁꠀ ꠉꠘꠣ ꠅꠁꠛ।

ꠀꠞ ꠁ ꠛꠣꠘ꠆ꠖꠤꠞ ꠔꠞꠚꠣ ꠙꠥꠀ ꠕꠣꠇꠤꠅ ꠀꠝꠤ ꠄꠇꠐꠣ ꠎꠣꠔꠤ ꠔꠂꠀꠞ ꠇꠞꠝꠥ, ꠇꠣꠞꠘ ꠢꠦ-ꠅ ꠔ ꠔꠥꠝꠣꠞ ꠀꠅꠟꠣꠖ।”