Priljubljene svetopisemske vrstice iz Jo-Rumi 11

Deli

En ema ne ochueyo gik moko duto, kendo ema omiyo gisiko gintie, bende en ema omiyogi gima omiyo gintie. Duong’ obedne nyaka chieng’! Amin.

Mano kaka mwandu mag Nyasaye dongo! Riekone kod ng’eyone tut manadi! Ere ng’ama nyalo ng’eyo tiend gik moparo? Koso ere ng’ama nyalo ng’eyo yorene?

En mana kaka Muma wacho niya, “Ere ng’ama oseng’eyo paro mar Ruoth Nyasaye, kata ere ng’ama osebet jang’adne rieko?

Kamano ndalogi bende nitie joma odong’ ma Nyasaye oyiero kuom ng’wonone. Oseyierogi kuom ng’wono to ok kuom gik ma gisetimo, nimar ka da bed ni oseyierogi kuom gik ma gisetimo, to ng’wono ok dobedo ng’wono adier.

En adier ni Nyasaye oserwakou un joma ok jo-Yahudi, mi ubedo joge, kendo uyudo gueth kaachiel gi jo-Yahudi. To rwakuno chalo mana gi bede yadh zeituni mong’ad oko, eka ochom bad yadh zeituni ma thim kargi, ma koro yudo chiembe koa e tiend yath kaachiel gi bede mamoko. To kik upakru ni miti uloyo bede mamokogo! To paruru ni un ok uting’o tiend yath, to tiend yath ema oting’ou.