Priljubljene svetopisemske vrstice iz Johana 14

Deli

Kue ema koro aweyonu. Adier, kue mara awuon ema amiyou. En kue ma pinyni ok nyal chiwo. Kik chunyu parre, kendo kik ubed maluor.

Yesu nodwoke niya, “An e yo, kendo an e adiera. Onge ng’ama dhi ka Wuora mak okadho kuoma.

Bang’ mano Yesu nowachonigi niya, “Kik chunyu parre. Yieuru kuom Nyasaye, to kuoma bende yieuru.

to Jakony, ma en Roho Maler ma Wuoro biro ooro e nyinga, nopuonju gik moko duto, kendo nomi upar weche duto ma asewachonu.

Ng’at mong’eyo chikena, kendo orito, ema ohera. Ng’at mohera, ema Wuora bende noher. An bende anahere, mi afwenyrane.”

Anakwa Wuoro, mi nomiu Jakony machielo mondo osik kodu nyaka chieng’. Jakonyno en Roho Maler adiera, ma pinyni ok nyal rwako, nimar piny ok nene, kendo ok ong’eye. Un to ung’eye, nimar osiko kodu, kendo odak e iu.

Kendo gimoro amora mukwayo e nyinga natim, mondo Wuoro oyud duong’ kuom Wuowi. Adier, gimoro amora mukwayo e nyinga, natim.

“Ka uhera to unumak chikena.

E dala Wuora nitie udi mang’eny, to ka da ni ok kamano, to dikoro asenyisou, to adhi mondo alosnu kar dak.

Ka asedhi mi alosonu kar dak, to anaduog omou, mondo un bende ubi udag koda kama antie.

Thoma nopenje ni, “Ruoth, wakia kuma idhiye, omiyo ere kaka dwang’e yo materowa kuno?”