Priljubljene svetopisemske vrstice iz MATEO 7

Deli

“Bɛtɔ asa lǝ befi bǝtǝ mi. Bɛbɛbɛ asa lǝ binyǝ. Bɛsɔ siku lǝ basini mi.

Itsyise utsyuǝ saa wǝ laatɔ asaa, bǝǝtǝ wǝ. Nya utsyuǝ saa wǝ laabɛbɛɛ, wǝǝnyǝ. Nya utsyuǝ saa, wǝ lɛsɔ sikuu, bɔɔsini wǝ.

“Nyaso utidi wǝ ke laanɔ mɔ etiki nya weeyifo lǝ nnya ǝsuǝǝ, wǝ ni obesibe nɛ. Ute fe utidi wǝ léto wǝ diyo uńyǝnsǝ lǝ koba ǝsuǝ.

Asa nnya biala biǝ betidi bamba yifo bǝtǝ mii, mitsya yifo nnya bitǝ mǝ nko. Nyamfo ete Moses eto kɔfi ku Onanto eto bǝnyɛlǝkǝtidi nlɛ bote nɛ.

Fɛɛ nkpǝ eto kusu afɛ, nya ko bɔyɛ kesu mfó kpe ale, nya betidi esiani hã lǝǝnyǝ ko.

“Bɛyɛ lǝ kesie kɛkɛ befe bidufǝ kǝmiǝ. Itsyise lǝ bɛyɛ lǝ kesie ka lɛmɔ ku kusu ko disensǝ ko diyuǝ ku bɔyɛɛ, yookpa mi isuko katsylɔkɔ ka ni ute kǝmiǝ. Nya ko ǝsuǝ betidi kpǝ nyɛ nɛ.

Mimba ni babuayifo kulaa yi kase buifi asa sɛɛ bitǝ mi bebi. Nya ntsyǝ yuutsyǝ ku Boanto wǝ nkpe kato itǝ bo? Ntsyǝ yoofo bubǝ bǝ weembufi wǝ asa, asa sɛɛ, utǝ betidi ba laatɔ wǝ?

“Mankponko betidi bamba lekpo bǝ lǝ Onanto tsya lǝ ɔyɛ fǝ lekpo bokponko. Kase faaklá asa yeeyi kaba kakpo kǝtǝ utidii, nko ke eto okle Onanto looklá utǝ fintsya nɛ!

Fɛɛ utsyuǝ saa wǝ laanɔ mɔ etiki fɛ woanyɛ lǝ nnya ǝsuǝǝ, okateko ubuki. Ute fe utidibuki wǝ léto wǝ diyo uńyǝnsǝ lǝ kɔwinimi ǝsuǝ.

“Ntsyǝ fɛ fanlɛ dikubi kɛkɛ nǝ ntǝkǝ fǝ ɔyimitsyuǝ eto dinǝmi bobe fɛ fannlɛ dikubi kplɛ nǝ ntǝkǝ lǝ fǝ léle bunyǝ? Ntsyǝ fɛ foofo fǝ ɔyimitsyuǝ bɔtɛyi fǝnkǝ, ‘Lekpakpa, tǝ lǝ nlǝkǝ dikubi kɛkɛ nǝ ntǝkǝ fǝ lǝ dinǝmi,’ se dikubi kplɛ ntǝkǝ lǝ fǝ kosate eto lele ǝsuǝ?

“Bebe mi ǝsuǝ sinini lǝ bidiabidia eto bǝnyɛlǝkǝtidi ǝsuǝ. Bǝǝbǝ mi ɔflɔ fe basamu seka lǝ dinyǝbi ǝsuǝ. Fɛɛ lǝ mǝ kǝmiǝǝ, baso bekiti. Biunyǝ mǝ bitsyǝ lekpo lǝ mǝ eyifosa ǝsuǝ. Kanyi aannwɔ eyibibi nnya bedi. Nya otonkpa anwɔ nnya bendi.

Nko ini bǝ kuyi sɛɛ saa aanwɔ ebibi sɛɛ. Nya kuyi bua saa aanwɔ ebibi bua.

Kuyi sɛɛ saa aannwɔ ebibi bua nko ke kuyi bua saa laannwɔ ebibi sɛɛ nɛ.

Kuyi saa ko laannwɔ ebibi sɛɛ, baala ko kefi kakpe lǝ ute.