Priljubljene svetopisemske vrstice iz Kuxh 5

Deli

Tul ech tal Jesuus te u ixoq s-eche: —Ixoq, tiʼ uvaʼ qat akʼuqbʼa akʼuul s-viʼ, tul bʼaʼn vet axh. Pet quxh vet tibʼaʼnil. Tan qat ey vet el axh tu mam kʼaxbʼichil uvaʼe, —xeʼt Jesuus te u ixoq.

Poro atich bʼak val u ixoq xoʼl u mam tenam uvaʼ kabʼlavalich vet yaʼbʼ ikʼaxbʼ tzaan taʼn yaabʼil. Tan tira txhaqpinaʼqich vitxaqʼo. Tul maʼtich kuxh ikʼaxbʼisat tibʼ u ixoq tiʼ ibʼen xeʼ mamala tzʼakanal. Atz maʼtich kuxh isotzsat vet jankʼal vipuaq. Tul yeʼ nikich tiqʼo tibʼ. Pet aʼl nikich inimxeʼ.

Tul yekich yaʼ vet vitxaqʼo ixoq. Atz yekich inatxh vet ixoq tuchʼ vitxhiʼoʼl ibʼant bʼaʼn tu mam kʼaxbʼichil tetz u yaabʼil.

Yaʼne itxey Jesuus iqʼabʼ u ixvaak. Tul ech tal Jesuus t-viyolbʼal te u ixvaak s-eche: —Talita, kumi, —xeʼt Jesuus te u ixvaak. Ech nik elkaʼpun u yol —Talita, kumi, —s-eche: —Ixvaak, toq val see: Lakpen, —chich u yol.

Sebʼtelichetz iyolon Jesuus, tul aqʼbʼ kaʼl u bʼanol txhaq, uvaʼ tzajnaʼqich t-totzotz Jaairo, viqʼesal inqʼa xaol tu kʼulbʼal ibʼ. Tul echaq tal s-eche: —Yeʼ kuxh kam aal vet te naq u txhusul qetz, tan qat kamy vet vameʼal, —xeʼtaq tul te Jaairo. Tabʼietz vet Jesuus u yol uvaʼ nikich talax te Jaairo, viqʼesal inqʼa xaol tu kʼulbʼal ibʼ, tul ech tal Jesuus te Jaairo s-eche: —Yeʼ kuxh txumun axh; atz yeʼ kuxh xoʼv axh. Pet kʼuqbʼa akʼuul s-viʼ. Tan toq uloq taanima vameʼal inpaqte, —xeʼt Jesuus.

Tul ech tal Jesuus te u demoonio, uvaʼ atich ok kʼatz u vinaq, s-eche: —Demoonio, ¡elen el t-taanima naq u vinaq! —xeʼt Jesuus. Poro jit yekich eleʼl u demoonio kʼatz u vinaq. Pet jankʼalxh iyakʼil u vinaq sichʼin taʼn u demoonio. Tul ech tal te Jesuus s-eche: —¡Kam taltxh axh, Jesuus! ¡Kam asaʼ s-ve! ¡Axh, viKʼaol Tiuxh uvaʼ sibʼ at jaʼp t-amlikaʼ! Tul ¡vatz Tiuxh toq vabʼivat bʼaʼnil see uvaʼ yeʼ akʼaxbʼisa in! —xeʼt te Jesuus. Yaʼne ech tal Jesuus te u demoonio s-eche: —¿Kam abʼij? —xeʼt Jesuus. Tul ech tal s-eche: —Yeʼl s-atxhbʼe, inbʼij, tan sibʼalen qatineʼ, —xeʼte.